المشاركة الأصلية كتبت بواسطة بنت الحكمي

السلام عليكم ورحمته الله وبركاته وبعد أختي العزيزه الغاليه صابره بدنيتي أسأل الله أن تكوني بأفضل حال ويشهد الله عليه إني فرحت لما شفت ردودك الأخيره لأنه بصراحه فقدت الأمل برجعتك للمنتدى وأنا بقول لك بأن مثل ماهناك أناس بالمنتدى تجرح فيك ومنزعجين من وجودك بسبب إنك زوجه ثانيه ترى بعد هناك أناس بالمنتدى تحبك وتحترمك وتأنس لما تشوف معرفك والسبب إنك إنسانه طيبه وحنونه الله كتب لها نصيبها تاخذ معدد واللي تاخذ معدد ماهي بكافره ولاهي بظالمه ولا أرتكبت جريمه من حقها تتزوج ومن حقها تعيش حياتها يا أصحاب العقول الصغيره إللي خايفه على زوجها وكل ماقرأت مشكله لزوجه ثانيه قامت تسن سكينها علشان تشارك بتقطيع هاذي الزوجه الثانيه وأتوقع إن البعض يخيل لهاإن الزوجه هاذي ضرتها وتقوم تصب كل إللي في قلبها من حقد وغل وحسد على هاذي المرأه الضعيفه إللي إسمها زوجه ثانيه ليش هاذي كل هاذي القسوه أنا ماعمري شفت بنت شابه أو مطلقه أو أرمله تهجمت على زوجه ثانيه دائما أكثر اللغط نشوفه من زوجات أوليات ليش هل أنتي بكلامك الجار ح في مواضيع الزوجه الثانيه بالمنتديات بتوقفين أو تمنعين التعدد أرجو من كل وحده تكتب تتقي الله في نفسها ولاتزيد جروح إنسانه بها من الهم ما الله به عليم والدنيا دوراه إذا أنتي واثقه من زوجك أيتها الزوجه الأولى فلا تظنين إن الشماته سهله وإن الرقص على جراح الآخرين بينفعك لأنه إذا طافتك الضره أنتي ماراح تظمني في المستقبل زوج بنتك إنه مايعدد أحيانا ربنا يبتلي الشخص في عياله فلذات كبده إذا كان عندك بنت صغيره عمرها خمس سنوات أو عشر سنين أنظري لها قبل ماتكتبي شئ يجرح الخواطر ترى بتشوفين يوم صعب على نفسك لماتجيك بنتك شاكيه من ضرتها ويمكن إن ضرتها تكون ظالمه من جد وتظلم بنتك وتكيد لها ربنا يسلط عليها بسبب ماكنتي تكتبينه في المنتديات في حق الزوجه الثانيه
وإحتمال إن زوجك يعدد ويتزوج عليك بعد كبر سن وياخذ له بنت في سن بنتك لاتقولين زوجي مايسويها زوجي يحبني ومايتخلى عني ولايشوف غيري لا ياحبيبتي القلوب بين يدي الرحمآن يقلبها كيفما يشاء ربنا يسلط عليك بما أقترفته يدك بما كتبته أصابعك يوما ما لأحد هاؤلائي الزوجات الثانيات فإنتبهي قبل ماتكتبي يارعاك الله أحيانا الاحظ بعض الردود صاحبتها تنفعل وتعصب وتعيش جو نفسي سئ بمجرد ماتشوف إن الموضوع فيه زوجه ثانيه تكتب وترد على صاحبة المشكله بطريقه فضه وغليظه وكأنها بتنتصف وتنتقم في ردها لزوجه الأولى من هاذي الزوجه الثانيه التي تعتبرها في نظرها إنها ظالمه وإنها أخذت الرجل من زوجته وعياله وإنها أرتكبت جريمه بحق الزوجه الأولى بإرتباطها بزوجها ليش كل هالشعور وهاذا الدفاع المستميت وش يدريك إن هاذي الزوجه الثانيه مانزلت مشكلتها إلا والكيل فاض بها وماعاد تحملت وإنها لو يرجع الزمن بها للوراء كان ماوافقت على متزوج ولا أخذته
وكانت تفضل تجلس في بيت أبوها ولاتشوف إللي شافته مع هاذا الزوج نحن نريد قليلا من التفيكر والعقلانية قبل بدء الهجوم على غيرنا لأسباب ولغاية في أنفسنا ليش هاذي الحساسيه من الزوجه الثانيه وش سوت علشان تهاجمونها بهاذي الطريقه وزواجها من معدد حقها رضيت الأولى وإلا مارضيت بها هاذي إنسانه إمرأة لها مشاعر وأحاسيس مثلها مثلك ليش هاذا الحقد كله بس علشان إنها رقم 2طيب وأنتي رقم 1 ورقم واحد كلنا نعرف معناه ممتاز وش عاد تبغين أحسن من هاذي المنزله وأنا عارفه لو هي هاذي الإنسانه رقم 3 أو 4 كان تعاطفوا كل الزوجات الأوليات معاها لأن بعض الزوجات يشوفون إن الزوجه الثانيه هي الظالمه لأنها دخلت على غيرها وآخر شئ ترى والله إن الحرمه إذا جعلت كل إهتمامها الرجل وركزت عليه والله إنها راح تمرض وتجيب الهم لنفسها فمايحتاج نكره أخت لنا في الله علشان أخذت معدد هاذا قدرها ونصيبها إللي كتبه لها ربنا من عنده ولو كانت الأقدار بيد كل واحدة منهن كانت ما أرتضت لنفسها رجل معدد ولاكن النصيب يصيب وين ماكان وأخيرا
لاتنسون الدنيا دواره يوم لك ويوم عليك ويوم الله يكفيك شره .

غاليتي صابر ه لي رجعه بإذن الله بس رجاي لاتفارقينا ترى والله إني أحبك في الله وأي رد يزعجك أو يجرحك و يستفزك طنشيه ولاتردين عليه يا أختي العصبيه والنرفزه مو زينة لك
إحقري تعرفين تحقرين علمي نفسك على ضبط أعصابك ولا تنفعلين وقت ماتشوفي شئ يقهرك إستعيذي بالله من الشيطان الرجيم وإستغفري الله حتى نفسك تهدى الله يريح بالك ويسعدك ويوفقك .