اقتباس:
المشاركة الأصلية كتبت بواسطة Love Of Life
ذكرتيني بموضوعي اللي كتبته
شخصيا بعد ما كتبت موضوعي ارتحت كثير و كأنه ثقل على صدري و راح
حاسه انك احسن الحين بعد ما فضفضتي ولا كيف????
كم عمر اطفالك? و كيف جدول يومهم و اوقات نومهم?
انا غيرت نمط حياتي تماما و الحمدلله
و ارتحت اكثر لما ابني الصغير انتظم نومه و وقفت الرضاعه و ينام طول الليل بسلام.....
استفدت من افكار عديده من هنا و من منتدى اجنبي ثاني,, ساعدتني اني اسوي جدول لكل شي
و الحمدلله مرتاحه الحين |
أ
هلين يعني الظاهر كلنا جتنا نفس الحالة
استمتعت بقراءة الروابط وعلى قولتك من حطيت موضوعي حسيت إني ارتحت شوي
يعني مو الوحيدة اللي تصير فيني هذه الأشياء وكلنا نعاني الله لا يحرمنا الأجر
وكلنا نحس إننا ما نسوي شيء في الحياة كله كنس وطبخ وركضه وراء الصغار
ولا نقدر نتستمتع لا بطلعة ولا شيء هذا إذا رحنا
وخصوصا أهلنا مو حولنا فمافي مكان نحطهم فيه
حتى أنفسنا أهملناها شوي
أطفالي 4 سنوات وكم شهروالثاني سنة
ينامون 12 ويصحون 11 أفطرهم
بعد الغداء على الساعة 3 ونص أو 4 ينام الصغير
والبنت أعلمها شوي بعدين تطالع التلفزيون
يصحى الصغير على 5 ونص وأحيانا 6 ويجلسون معاي لين أذان المغرب نتقهوى إذا كنت مسويه حلى
وبعدها يصيرون معاي وأنا أغسل المواعين وأسوي للعشاء وينامون متأخر على 11 ونص 12
ممكن تقولين لنا على طريقة يمكن تنظم لنا الوقت شوي وما نحس بكل هالضغط
أسعدني تواجدك عزيزتي
اقتباس:
المشاركة الأصلية كتبت بواسطة Take Breath
وايد تمنيت لو اصير رجال لمدة يوم واحد فقط عشان اتحرر من المسؤليات!
استغرب اذا شفت الريال يشتكي من عمله!!
عيل لو يصيرون مكانا اشبيقولون!!!!!!!
سبحان الله ... آنه من بين بنات حواء كلهم محد يكره شغل البيت كثري!
سابقاً لما كنت متزوجة  <<
كنت اجبر نفسي اقوم بالقووة مع إن اوكي انظف واسوي واطبخ على خفيف ومادري شنو
بس طول ما آنه منهمكه بشغل البيت مابي احد يحاجيني
لأن النفسية تكون زفت!
وكنت اقول بخاطري باظل طول عمري بين كوي وغسيل وتنظيف وفوق هذا دراسه!
لا أخفيكم بالرغم إن اوكي انظف ومادري شنوو بس آنه بطبعي احب الراحه
اوكي ان يكون عندي ايام معينه انظف فيها واكوي ساعتها مابيكون عندي مانع
أما كل يوووووووووم آخ كنت صج اتعب ليس جسدياً وإنما نفسياً وقت التنظيف فقط
وأكبررررررررررررررررررر ابتسامه ابتسمها لما أخلص واشوف انجااااازي
واكبررررررررر قهر لما حضرته يرجع من الشغل ويقط ملابسه بصوب
ويدخل يسبح ويعفس كل الحمام وانتو بكرامه ويطلع
بس ألحين تحررت |
وقت الشغل ما أكون دايما متنرفزه على حسب مراي اي مرات لا
بس اللي يقهر انه ما يقعد البيت كامل نظيف يعني لو رتبتي الصالة يكون لذاك الوقت المطبخ انعفس
ولين ترجعين ترتبين المطبخ تكون الصالة انحاست بعد وغرفة الصغار اللي مستحيل تترتب
يوم اي وعشره لا
الكوي والملابس ما يخلصون باستمرار يعني مستحيل يمر يوم ما يكون فيه غسيل منشور أو ملابس وسخه
شكرا لمشاركتنا
اقتباس:
المشاركة الأصلية كتبت بواسطة البليغ
الأخت الكريمة/ color
أشكرك على تصحيح الخطأ في الآية.
أعتقد أن الذاكرة خانتني في كتابتها
|
الشكر لله
وحياك الله
اقتباس:
المشاركة الأصلية كتبت بواسطة نونو4
معاك حق يا عزيزتي الله يعينا مع هال الاعمال الشاقة المنزلية
|
آمين الله يسمع منك
شكرا لتواجدك
فعلا الحياة من غيرهم مو حلوه
وغير إذا كانو صغار عن إذا كبروا شوي
والوحده إذا احتسبت الأجر أكيد بيهون كل شيء
وشكلك نفس المسداني وإن شاء الله أطبق هذه الطريقة في الوقت المناسب
مشكورة لمرورك
حلو ما شاء الله تجي خدامة بالساعة تسوي أعمال التنظيف الدقيقة
وبالنسبة للحمسات قليل ما أسويها من قبل كله في يومها
بس في حالة لو جبت أشياء مبردة أقطعها وأتبلها وعلى الفريزر من غير طبخ بس تكون متبلة وجاهزة
أحس ما أعرف أجهز الطبخ قبل مع إن كثير ناس يسوونها
لكن بفكر أسوي بعض الأشياء لأنها لو بسيطة تريح الوحده
مثال جبنا بقدونس أكثر من حزمة غير عن الكمية اللي دايما وحسيت بدت تذبل
طلعته كله ونظفته وغسلته ورجعته الثلاجة
صرت بسوي سلطة ولا حمسه بحط فيها بقدونس جاهز استانست
قلت كل مره بسوي كذا أقعد عليه يوم ولا كل يوم أطلع شوي وأغسل وأنظف
شكرا لاضافتك عزيزتي استفدنا
التعديل الأخير تم بواسطة colors ; 01-03-2011 الساعة 01:03 PM