عزيزتي
خليه يبرد و يهدي اعصابه
لا تعتذرين منه و لا تطرشن له رسايل لانج ما كنتي غلطانه
بس حاولي تهدين الامور
لا تطلعين غرفة نومك عند قدومه
حاولي تلطفين الجو معاه
حاولي يحس انك محافظه علي بيتك و عيالك و انتي ما راح تفرطين في اسرتك
******
يالغالية لا دمرين ما بنيتيه ب 14 سنه في لحظه غضب
لا تفكرين اصلا انك تمشين من بيتك
هذا بيتك و بيت عيالك
لو هو يبي خليه يمشي بكيفه
بس انتي قاعدة و راح تربين عيالج باحسن وجه
******
حبيبتي
خليج نبيهه:
محد قال لج لا تتصلين علي بنت عمك بس اتصلي في وقت هو مو موجود
حاولي تصلحين علاقتك مع اهلك فمهما يكون هم اهلك و سندك
لما اهله يقولون عادي نزوج أخونه ..
أبتسمي و لا تردين عليهم
تري الحقران يقطع المصران
صدقيني لو كان يبي يتزوج كان يتزوج من زمان
*******
لا تنسين الدعاء لك و لبيتك و لعيالك و لبوعيالك
ربي قريب مجيب الدعاء
اللة يسهل أمورج يالغالية