الأخت الغاليه روح الطير كيف حالك عساك بخير وصحه بصراحه أنا أستغربت إن موضوعك هاذا باقي ماطلبتي إغلاقه قلت في نفسي خلاص الحرمه عرفت السبب وبطل العجت لكتابتها هالموضوع بس دخلت وقرأة المستجدات وفهمت إن هناك بوصلة شخصيات وصار موضوعك مثل قارئة الفنجان والكف ههههههه
وبصراحه أعجبتني تحاليل الشخصيات بالذات من قبل الأخت أحلام تحليلاتها مظبوطه وطريقة شرحها ok‏ طبعا بعد إذنك ياروح الطير أنا بقول عن صفات شخصيه لرجل وأبغى تفسيرها من أي واحده منكم أنت أو الأخت أحلام المهم تكون ملمه بمعرفة الشخصيات كلها .
إنضابطي في عمله يروح عمله حتى وإن كان به مرض يقاوم تعبه ويداوم عمله.
كريم لدرجة يطفر بللي في جيبه وحسابه أهم شئ يسعد نفسه ومن حوله عنده مبدأ عيش لليوم وبكره ربك يفرجها.
مواعيد المستشفى والدوائر الحكوميه ينجزها بوقتها بدون تأجيل .
طبعه هادئ نادرا مايعصب ولو عصب بسرعه يرجع لحالته العاديه.
يحب بيته وعياله وهم الكل بالكل في حياته مايقدم على خطوه إلا بإستشارتهم .
مايحب الجلوس والكسل والنوم بكثره .
إذا حصل معاه ظرف طارئ مستحيل يتصرف إلا بعد تفكير وأحيانا بمساعدة أقرب الناس له .
إذا حصل على شئ يكتفي به مستحيل يطلب أو يطمح بالمزيد
مايخفي شئ على أقرب الناس عنده صريح جدا من هاذي الناحيه
إذا بغى شئ من أحد يبتدي بالمراوغه والتلميح حتى يوصل لمبتغاه .
إذا حصل له خلاف مع أحد يحب يصلحه بسرعه ومايحب يطول في الخصام والزعل يحاول يراضي الطرف الثاني بأسرع وقت يقدر و يفهم إحتياجات وظروف غيره .
يحب السوالف والضحك واللعب مع الأطفال .
يحن ويشفق إذا شاف شئ محزن أو سمع عنه .
يحب جلسة البيت مايحب السهر خار ج البيت صداقاته محدوده بمقر عمله مايحب الإختلاط والزيارات الكثيره .

وهاذا كل إللي عندي وإذا كان باقي فيه أسئله أنا جاهزه لها بس إذا كان فيها إحراج بوضع أسئلتي في موضوعك يارو ح الطير فرجاء لاتردي عليها و الله يجزاك خير .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله