ياهلا والله بالاخوات الحلوات

كل رد يجي فيه اسمي يرفع لي معنوياتي احس اني قدرت اسوي شي مفيد في حياتي

الله يسعدكم يارب ويقدرني اني اساعدكم ويكون كلامي له تأثير ايجابي في حياتكم

بالنسبة للأسئلة ، فأنا أرحب فيها في أي وقت ، وأوعدكم إني أكون عند حسن ظنكم بإذن الله تعالى

أخذت الإذن من الإدارة وجاري كتابة الموضوع ، فانتظروني



روح الطير

بصراحة تعجبيني جدااا

أحس مجهودي معاك مايروح عالفاضي ، مو زي وحدة أعرفها غاااااااااااالية عليا جدا ، زوجها جنوبي شرقي أفهمه تمااااما وأفهم سبب تصرفاته ، وهي شمالية غربية ، ولما أوضح لها مبرر زوجها وليش اتصرف كذه ماتصدقني ولا تعذره لانه في وجهة نظرها تصرفه غير مقبول ..

زي حكاية الكذب ، أنا ألف وأدووووور كثيييييييير مو قصدي كذب ، لاني أعرف حرمة الكذب وأصلا الكذب صفة سيئة جدا ، لكني ما أحب أسبب الضيق للناس خاصة إذا كان طلب مني شي وماسويته ، تلاقيني اخترع أعذار ومبررات عشان أخلص نفسي وما أكون متهمة

والله مووو قصدي كذب ، اعذري زوجك ، هو ما يبغى يكون صغير في نظرك ، أو إنه غير قادر على إنجاز المطلوب منه ، أو إنه مو قد المسؤلية ، فيضطر يلجأ لهذا الأسلوب غصب عنه

هو أسلوب غلط ، وممكن يؤدي لنتايج أسوأ ، لكنه طبع في الانسان غصب عنه

كمان الانكار ، تلاقيه ينكر إذا مافيه دليل ، مو قصده الكذب ، بس زي ما قلت لك مايحب يكون صغير في نظر الآخرين

وكمان ممكن تسأليه متى راجع ؟ يقول شوية

ويقفل وتعدي الشوية وترجعي تتصلي متى راجع ؟ يقول شوية

بنظرتك الشمالية راح تقولي في نفسك خلاص يبغى يتأخر خليه يقول راح اتأخر

لكنه كجنوبي عارف إنك تبغيه ما يتأخر ، وانه مجرد اتصالك معناه تعال ، فيضطر يقول شوية ، ويكون جالس على أعصابه يبغى يرجع بس مو قادر ، فيتفسر تصرفه إنه كذب ولف ودوران

***

بالنسبة للحمل والله قلبي معااااااااااااك

لسه والدة قبل تسع أشهر لسه مانسييييييييييييت

عشان كده اقولك اتدلعي ياقلبي اتدلعي على قد ماتقدررري

وخلي جنوبيك يدلعك

ابداااا لا تكتمي أي ألم تحسي فيه ، عبررري عن كل شي تحسيه مهما كان بسيط ، وبكل وسائل التعبير والذكاء الانثوي

مرة بالكلام ، مرة بالحركات ، بس خليك دايما انيقة ومرتبة

الله يكون في عونك يارب

***

بالنسبة للبنات ، راح افتح الموضوع اليوم باذن الله تعالى وأجاوب على أسئلتكم هناك ، بس ياليت نمشي مع بعض خطوة بخطوة عشان تعم الفائدة للجميع

***

لكم ودي وأشواقي