هدي يالغالية ..

حبيت اقولك عن مثال يشبه خطيبك عندي بعاىلتي , أحد أقربائي ما رفع السماعه على زوجته بعد ملكتهم الا مرات قليله وتكون لأسباب خاصة لسكنهم وكذا ,(مع انه كان جريئ معها بشبكتهم ) وكان رده لما سألوه ليه ما يكلم خاصة ان العائلتين عندهم عادي الاتصالات بين الزوجين قبل الملكه ؟!... قال انه ما يبي يحرج البنت وكل شي بوقته أفضل .
واللحين هم متزوجين ومبسوطين بحياتهم .


يالغاليه انسي سالفه ( مغصوب ), لان مافيه رجل بهالوقت ينغصب , اذا البنت ما تنغصب كيف بينغصب الرجال ؟!..


بودي أقولك ابدي أنتي بالاتصال بس مو للسؤال عن حاله وكذا (لا) , خلي اتصالك علشان تسألينه على امور مهمه لزواجكم وحياتكم . (بس عن نفسي مو مرره حابه الفكرة , اتخوف من ردات الفعل).
أو تخلين امك تجس النبض من امه ويصير بينهم وتعرفين السبب ؟!..
أنتي شوفي الحل المناسب .

ربي يريح بالك .

__________________