مدري ايش اللي خلاني اكتب الموضوع

لكن من جد الحياة صارت مملة .الناس صارت تجتمع مع بعضها أجسام فقط بلا أرواح

الكل مشغول في جهازة .صار فيه شرود في الذهن وعزلة

اسبدلو الصداقات الحميمية بصداقات الكترونية .

الأسرة الواحدة صارو أفرادها يتكلمو عن طريق هالأجهزة .كل واحد بغرفته ويرسل مسج للثاني وقت الضرورة

على قولهم اذا رأيت شخصا في المجلس رافعا رأسه وشامخا فتأكد إنه مامعه بلاك بيري

زمااان كان أكثر مايضايقني بزوجي لما أجلس معاه وهو شارد الذهن ويقرأ جريدة

يالله كلمة جريدة أحسها قدييييمة الحين الوضع أتغير صار مشغول عني بالشاشات

لاب توب وايفون وجيم وبرااامج لا حصر لها

حتى شغله يعتمد على هاذي الشاشة

حتى الأطفال جيم بوي ودي اس وبي اس بي واي بود تتش

حتى ولدي اللي عمره سنة يحب يلعب بالالة الحاسبة

اتبرمج مخه انه لازم يمسك جهاز فيه شاشة وازارير ويلعب زينا

لا وأقول لكم الطامة الكبرى أمي عمرها فوق الخمسين الله يخليها لنا أشترت اي فون

وابوي فوق الستين معاه اي باد :14:

والاثنين مايعرفو الا اسماء الأجهزة على أمل انهم يتعلمو ويواكبو العصر

لأن كل اللي حوالينهم مايتكلمو ا عن طريق المسن والشات

وأنا عندي جهازي لكن والله مقسمة وقتي وماأحب الإلكترونيات هذه تسحبني من أحبابي

أنا معاكم الشغلة مسلية لأبعد حل لكن صنعت بين الناس فجوات

يرحم زمان أول كنا نجلس مع بعض ونسمع أخبار بعض

ماكان فيه الا صخر وعشان نفتحة لازم نكون مخلصين واجبات وأكل ومرتبين غرفنا وشرووووط مالها اول ولا اخر ويالله نحصل الموفقة من اهالينا ونجلس ساعة فقط

الحين الأجهزة ماتتسكر ياااااااه

انا مو ضد التطور لااا انا ضد الادمان على هالأجهزة فقط

اعتبرو الموضوع مجرد فضفضة

دمتم