أعتذر أخواني وأخواتي على التأخير.

بس كنت مشغول شوي وهذاني جيت أرد عليكم


[QUOTE=بياض الغيم;2583068]لو قرأت [ ف ] هذا الكلام لعدلت عمّا هي عليه ولزانت الأمور فيما بينكما، لكن يبدو أنّ الحوار معدوم بينكما تماماً أو أنك لا تريد حواراً مع أهلك وهذا خطأ، لابد أن تطرح كلّ هذا معها وتبيّن وجهة نظرك فلا داعي للكذب ولا داعي للتهرب.. واجه الأمر معها وبيّن حجم معاناتك مع هذا الأسلوب في المعيشة.
أول طريقٍ لحلّ المشكلة هو الاعتراف بالمشكلة ثمّ مواجهتها مواجهة صريحة دون تدليس فاحذر أن تحلّ المشكلة بمشكلة أخرى قد تكون أكبر كما حدث لك حينما كانت مشكلتك في العلاقة الحميمية الخاصة ولم تواجهها جيداً فقمت بالزواج وكأنه الحل الأكيد الذي أصبح فيما بعد وكما تروي هو المشكلة والمعضلة الحقيقية في حياتك.




أولا أشكرك لنصيحتك , ولدخولك على موضوعي , ورغبتك في مد يد العون لأخ مثلك, وأخذ جزء من وقتك لكتابة ردك.

ثانيا بالنسبة للغة الحوار موجودة لكن أنا ما أحب اسلوب الاستفزاز والعصبية والتهجم.
وزوجتي (ف) بارعة بالشي هذا للأسف

بينما زوجتي (د) كانت متفاهمة ولما بينت لها وصارحتها برغبتي بينت لي انها فعلا تسوي اللي ابيه لكن انا ماكنت اشعر فيه وهذا ذكرته لكم في البداية.
كنت متوقع انه المشكله فيها , لكن بعد زواجي أكتشفت اني فعلا كما وصفتني زوجتي (د) اني انا خيالي زيادة عن اللزوم .
يمكن لأني أحب الاستقرار واحب الهدوء والرومانسية >>>>>> أو خيالي زيادة عن اللزوم


من رأيي أن تواجهها بطريقة لا تشبه طريقتك في التعامل مع المشاكل بل بحزم وحكمة، فإلّم تنصاع فطلقة بائنة رجعيّة واحدة توقضها مما هي فيه لتعيد حساباتها الطوييلة معك. ولا تنسَ أن جزء كبير من المشكلة حله بيدك أنت .. أنت وحدك فتنّبه أنت ايضاً.[/QUOTE]

أعطيتها الطلقة الاولى وتركتها في بيتها مع عيالها وقلت لها إذا قررتي تغيرين أسلوبك المنفر تعالي كلميني.
وطلعت,
رحت للاستراحة بيومها ومن بكرة رحت لبيتي الاول.
بدت زوجتي (ف) تدق وترسل وأنا مطنش, وقلت لها اذا عندك كلام فهو بيومك لا تخربين يوم اختك عشان تكلميني.

وأستمرت بهيجانها ورعونتها , قفلت جهازي بدت تدق على البيت , ويوم ردت زوجتي على الثابت قعدت تسبها وتلعنها وتقولها ياخرابة البيوت ماتغيير علي زوجي إلا من حقدك وغلك !!
ومن هالكلام.

زوجتي (د) طيبة لكنها قوية بنفس الوقت . وماتسمح لأحد يغلط عليها.
قالت شوف هذي زوجتك أنا مالي دخل فيها مشاكلك معاها تحلها معاها , أما تتهجم علي بالصورة هذي أنا ما أسمح, فوقفها عند حدها , ولا تخيير وحدة مننا.

طبعا معاها حق , واستأذنتها لو تسمح اكون عندها ببيتها ولا أروح عنها وطبعا أذنت لي.
وأحتوتني ,

بعد ثلاث ايام اتصل علي أخوها يستفسر من الموضوع . وتدخل بيننا . ووضحت له مشكاتي معاها ووعدني خير , وقالي عطها فرصة وهي بتتغير ومن هالكلام.

دخلت البيت وتناقشنا ووضحت لها اللي يضايقني منها , وهي بررت لي بغيرتها , وانها تحبني ولو ما تحبني ماكان غارت . المهم عدى يوم يومين ورجعت على نفس سوالفها .

تركتها ودخلت انام جت مثل المجنونه انت ما عندك احساس احر ما عندي ابرد ماعندك ,
وانت فيك ومافيك , لهالدرجة يجيك النوم وانا مقهورة , قلت لها خير وش اللي قاهرك !!
قالت : يوم مشكلتنا ويوم رميت علي الطلاق رحت لبيتك الأول مدة أسبوع , وأنا منطقه لحالي هنا

والحين رجعنا لبعض وحلينا المشكلة وراك ما تقعد عندي اسبوع تعوضني

قلت لها : انا قلت لك بنام ممكن.

قامت قالت لا أذا انت ماعندك احساس اطلع من بيتي!

قلت لها أوكي عن أذنك وأول ما وصلت للباب قلت لها لا تطلبين مني أعدل بينك وبين بيتي الاول.

هذا انتي طردتيني وبيتي الأول يحتويني. في أمان الله.

الحاصل انه مشكلتي معاها بدت تأثر على بيتي الاول. وهذا اللي مزعجني . ماودي أخسر زوجتي (د)
بسبب تصرفات زوجتي (ف)
لأنك مثل ما أنت عارف النفسية لها دور.


مرحبا أخوي أو أختي أزال, ومن اللي قالك اني مو بحاس بقيمة زوجتي الأولى , وأنا قلت في بداية موضوعي ما أدري هل اللي انا فيه ابتلاء من ربي , أو عقوبة لأني ما حمدت ربي على زوجتي بالبداية وطمعت بالأكثر.

اللهم ألطف بي ولا تواخذني بذنوبي يارب





اولا الله يحييك يالذيب.

فعلا انتوا أهل وأكثر ربي يبارك فيكم ويسعدكم ويرزقكم من واسع فضله.

ثانيا بالنسبة للخطة ياشيخ وش أقول وش أخلي , لو أقولك وش صار كان قلت عفيا عليك صبر وحلم عليها

بقولكم الموقف بس مثل ما قلت لكم من البداية الموقف متشعب يبي لي فضاوة عشان اكتبه لكم,

وشاكر لك مرورك ولو عندك إضافة لا تبخل علي يالأجودي.