غاليتي دلوعة ...
مهما قلنا وعملنا ما يحس بالنار الا واطيها ..
اللي أعرفه أن علاقتك بأهلك مب ذاك الزود .. فمسألة أنك ترجعين لهم في رأيي خروج من وضع قاهر الى وضع أشد قهرا ..
واللي أعرفه انك موظفة ما شاء الله وإنك صرتي متصرفة بمالك بعدما كان زوجك هو المتصرف .. وهذي ايجابية ..
واللي أعرفه إن حياتكم الزوجية متوقفة حاليا ...
فماذا تريدين بالطلاق ؟؟؟
البعد عنه ؟؟؟
هو أصلا مبعد نفسه ..
عيشي في بيتك كأنه غير موجود ...
عيشي لكتاكيتك الله يعطيك طولة العمر ولا يربيهم غيرك يا رب ..
وفي الأخير لو قررتي الطلاق فما راح يلومك أحد الا جاهل بظروفك ..
وإن استطعتي بعد الطلاق البقاء في بيتك فهذا الأفضل ..
الله يقدم لك اللي فيه الخير والصالح