المشاركة الأصلية كتبت بواسطة بنت الحكمي

تسلمين على دعواتك الطيبه وياليتك يا أم هشام كنتي معانا والله لتنبسطي أقول لك في وسط الوادي فيه رمل مثل البطحى يوم تحفرينه بكف يدك حفر بسيط يطلع لك المويه من الحفره وفيه حجار كبار شكلها بيضاوي بنص الوادي تجلسي عليها وتشوفي المويه تجري جريان خفيف على يمينك و يسارك ولما يجي وقت الغروب يصير لون كل شئ بالوادي ذهبي
وموجود نخل على ضفاف الوادي وشجر كثيف إسمه البردي مثل سعف النخيل شكله وأقول لك الجو خيال وجمال الطبيعه كله هناك و بالنسبه لوجودي شوفيني
أنا موجوده هنا من أول ماشفت موضوعك في قسم المرأة وجيت بكتب مشاركتي إلا والإتصالات ماقصرت وكمان القسم اللي إنتقل له موضوعك جلست أحوس وراه حتى حصلته ماكان في بالي يحطونه في مساحة فكر عفست كل الأقسام حتى التقنيه رحت له أدور ورى موضوعك هاذا شوفي الفهلوه كيف عندي بعدين من جد أنتي ماعندك بنات صدق والله لما قرأت ردك إني دعيت لك من قلب تصدقين أسأل الله أن يرزقك البنت الحلوه المزيونه إللي تفرح قلبك
وتسعدك يارب وتكون من خيرة البنات وترى البنات حلوات
ودلوعات وفيهم شوية شقاوه بس ملحهم في شقاوتهم عندي ثنتين بنات وحده ماشية في رابع سنة بالعمر والثانية ماشية في ثالث سنه حملت بالثانيه والأولى عمرها 10 شهور ذقت المر في حملي السريع ونفسيتي صارت زفت بس الحمدالله والشكر عسى أن تكرهوا شيئاوهو خيرا لكم الحين كبروا وأرتحت من سحبة العربيات وهزهزة الكراسي كل ما أطلع السوق إلا وعربيتي قدامي والحين الحمدالله عربيتي أبوهم كل ماطلعنا يمسك كل وحده في يد وأنا ورآه أمشي مرتاحه أتسوق براحتي وأختار على كيفي عسى ربي يرزقك يا أم هشام بأخت لهشام وتفرحي فيهم وتقر عينك فيهم وفي أبوهم وتكوني أسعد إنسانه في حياتك اللهم آمين