الأخ منتصر كما أطلق عليك أخونا البليغ جزاه الله ألف خير والإخوان والأخوات ماقصروا في ردودهم وأنا كم تمنيت إن زوجتك تدخل هالمنتدى وتشوف وش إنت كاتب من سبايبهاوسؤ معاملتها لك وأتوقع لوعندها قلب حي كانت حست فيك وراعت مشاعرك بالذات إن أنت كنت إنسان سليم معافا ولاكن ربناقدرعليك بالحادث وأصبت بإعاقه وهاذا إبتلاء من الله عزوجل المفروض تراعيك وتهتم فيك وأنا لفت إنتباهي تعبيرك في الموضوع عن محبتك لها ومدحك وثنائك عليها وقولك بأنه توجد بها بعض الصفات الطيبه بالرغم من كلامها الجار ح لك وكان نفسي تشوف موضوعك علشان تعرف وش مدى الألم النفسي إللي سببته لك ومازلت تمدحها وتعترف بحبك لها كان نفسي تشوف كيف إنها تقابل الإحسان بالإساءة وكيف كلامها إللي تقوله بدون مبالاة إنه يكسر النفوس ويأثر فيها قصتك وقصتك هاذي ذكرتني بعضوه أتوقع إنها هنافي هاذا المنتدى والله أعلم قرأت قصتها مع زوجها المعاق وكانت تجتهد في الإهتمام فيه وفي رعايته بالرغم من قسوته معاها وضربه لها وكانت إعاقته على ما أظن سببها شلل أطفال والله أعلم وأتمنى من الإخوان الأعضاء والعضوات إللي يذكر قصتها أو شافها يصوبني إن أخطيت القصه هاذي عكس قصتك تماما وإعاقة زوجها أمكن إنها أشد من إعاقتك وكانت تدخل هناء تدور الحلول
علشان ترضيه وتخليه يغير أسلوبه معاها بالنسبه لك أنت الإخوان والأخوات طرحوا لك حلول عديده وأنت إذا حسيت نفسك عاجز عن المواجهة ومصارحتهابالشئ إللي في نفسك خذ ورقه وقلم وأ كتب لهامشاعرك وحبك لها أول شئ ومن ثم أ كتب لها كل شئ في قلبك وكل شئ جر ح مشاعرك منها و إذكر بعض كلماتها الجارحه إللي وجهتها لك
وبين لها بأنه طفح الكيل وإنك لاتستطيع تحمل طريقتها وكلامها الجارح وأكتب لها هاذي الجمله ] زوجتي العزيزه إن كنتي تحسين بالحرج أمام الناس وأمام صديقاتك من زوجك المعاق وتعتبرين بأن زواجك منه كان قرار سريع وكانت غلطة حياتك هي إرتباطك برجل معاق فرجاء منك كفى إهانات وكفى تجريح أنا إنسان لي كرامه ولي قلب وإحساس ومشاعر وأنا ما عدت أحتمل كل إللي يصدرمنك من تصرفات وكلام جارح فلأفضل لنا إنا مثل مادخلنا بالمعروف نخرج بالمعروف ولايكلف الله نفسا إلا وسعها [
وخل لها الرساله في المكان إللي هي تفضل الجلوس فيه علشان تشوفها و إطلع من البيت قبل ماتجي من دوامها وأستأجر لك في فندق ثلاثة أيام وقفل جوالك هاذي الثلاثة الأيام وخلها لاتتواصل معاها هاذي الثلاثة الأيام ولو أرسلت لك مسجات لاتتجاوب معاها بسرعه بعدالثلاثة الأيام أفتح جوالك وإنتظرها تتصل لو ما أتصلت أنت أرسل لها رساله مفادها هل أتخذتي قرار بشأن مصير حياتنا أم لا أنا في إنتظار جوابك وأ كيد إذا هيه شاريتك راح تتصل عليك وتطلب من إنك تأتي علشان تتفاهم معاها أنت لما تواجهها قول لها أنا حسبتك أحن وأرق الناس عليه حسبتك إنك بتكوني لي الأمل إللي يدفعني للحياة مو تكوني اليأس إللي أحبط معنو ياتي وخلاني أحس بنقص في نفسي وتحطيم لكل شئ جميل آراه في الحياة لدرجة إني صرت أفكر في الإنتحار علشان أتخلص من كلماتك الجارحه التي أسمع صداها في آذاني في كل لحظه أختلي فيها بنفسي بالرغم من إن إعاقتي بسيطه بس أنتي حسستيني إني عاجز بالكامل وإني إنسان مسلوب الإراده والثقه و إني أنا من المفترض في نظرك ليس لي وجود في المجتمع لأني عضو غير فعال أنا الآن وضعت القرار بين يديك وأنتي قرري ماتشائين أما أن تعيشي معي وتحفظي كرامتي وتحترميني كزو ج وتقدرين مشاعري وتبتعدين عن الكلام الجارح والمؤذي لنفسيتي و المهدر لكرامتي وتعامليني كزوج له حقوقه وإحترامه وإلا إن الفراق أفضل وكل واحد يذهب في حال سبيله .
وبإذن الله تعالى إن زوجتك راح تعيد حساباتها زين وإذا تحبك رايحه تخاف عليك وتحاول تغير نفسها قدر المستطاع نسأل الله أن يعينك ويصلح لك زوجتك ويهديها ويسخرها لك ويلين قلبها عليك وتحس في إللي أنت تعانيه
من سببها وتحاول إصلاحه بإذن الله تعالى إنه سميع مجيب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله