المشاركة الأصلية كتبت بواسطة بش بش%

وبعد هذا كله ابغى اسالك سؤال واحد
على ايش تحبها؟؟؟؟؟؟؟؟؟؟؟؟؟؟؟؟
يا اخي نحنا قايمين في بيوتنا وضحينا كثير وشفنا بلاوي وساترين على ازواجنا ورغم كدا ما شفنا لاحب ولا كلمة تطيب الخاطر ما شفنا الا كل هم ونكد و خيانة الله يصبرنا
بصراحة استغرب لما اسمع مثل حالتك واوقات ما اصدق انه في رجال كدا في دا الزمن
ولو تبغى نصيحتي ماطل في الموضوع شوي مو عشانها عشان عيالك المساكين وشوف يمكن هي عندها مطالب باهضة وشافت انها لما تبتزك وتروح بيت اهلها انت تضعف وتحقق لها رغباتها اما ادا كانت مصرة فما قدامك الا ابغض الحلال
اما بالنسبة للفلم الهندي اللي سوته (الرسالة) فهاذي حركة احتياطية منها عشان تضمنك اسير حبها العمر كله و وقت ما تضيق فيها الدنيا تكون انت الخيار الوحيد امامها وترجع لك لانها لو كانت تحبك ما كان تركتك بدون سبب مقنع انت ما اهنت اهلها ولا اعتديت عليهم ولا ظلمتهم عشان يشوفوك خصم لهم ويحرضوها على الطلاق وفي نفس الوقت ما اعتقد انه زوجتك ضعيفة شخصية قدام اهلها والدليل انها وقفت بوجه ابوها
وفي الاخير احب اقول ان عمري ما وقفت في صف رجال دائما انصف الزوجات واختلق لها الف عذر الا زوجتك بصراحة تنرفز الا ادا كانت مريضة فهي معذورة