أختي بحكم أنك صغيرة + ماعندك أخوان حولك + أبوك بعيد عندك + عندك وقت فراغ كبير

كل هالأشياء تسبب فراغ عاطفي في حياة أي واحد .. فإذا جاك أي شخص - حتى و إن كان إنسان عادي - وبدأ يهتم فيك مثل ماذكرت أنه نصحك ماتكلمين شباب .. طبيعي تكون النتيجة تعلق قلبي وميلان عاطفي ..

أنت فتحي باب مسكر على نفسك يوم بديتي تكلمين شباب .. و الشيطان يمشي مع الواحد حبه حبه .. ماهو يستعجل النتايج خصوصاً إن كان عند الإنسان وازع ديني .. يعني لو أحد قال لك إن دخلتي موقع الفلاني بعد مدة بتضيفين شاب عندك في الماسنجر .. متأكد أن إجابتك بتكون : مستحيييل أنا عارفه نفسي ..

لكن الحين أنت وقعتي في هالشي وصدقيني لو أستمريتي على ما أنت عليه بتسوين شي أعظم !

من كلامك أظنك إنسانه عاقله حتى مع طغيان العاطفة تحكمين عقلك .. وهذا شي إيجابي ..

وهذا الشخص ماهو صادق معاك - واسمحي لي لو كنت صريح - جالس يتسلى ويضيع وقته ... لو كان فعلاً ناصح لك كان ماتعدى الحدود في علاقته .. يعني في البداية كان يقول لاتكلمين شباب وكان يكلمك وطور العلاقه .. وصارفيها ماسنجر ...
لو كان صادق كان ماطلب هالشي .. وحتى لو كان الطلب الإضافه منك ماراح يستجيب لك ..


في المقابل : الإعتراف في المشكلة هو بداية الحل ..

تحتاجين وقفه صادقه مع نفسك .. إن كان هناك قريب من بيتك دار تحفيظ فسجلي فيها ..

علقي قلبك بالله .. أكثري من الدعاء .. ابتعدي عن التفكير في هالموضوع بقدر المستطاع .. في البداية بيكون الموضوع شوي صعب .. لأنه ماخذ حيز كبير من تفكيرك ...

هذه بعض المقاطع الصوتية الجميلة ستفيدك بإذن الله :

الفتاة ألم وأمل

بركان العواطف

أين قلبك ؟

صفحة الشيخ : إبراهيم الدويش

---

ضحايا الحب

---

صفحة الشيخ محمد العريفي