يا اخي الفاضل
اللهم إجعل كيدهم في نحورهم
انتظر حتى يتم إستدعائك في المحكمه ولعلمك قضاة المحاكم رجال عقلاء ورجال يهتمون
بمصلحة الاطفال قبل مصلحتك أنت وزوجتك
لا تفتكر من أول جلسه بتروحها بيخليك القاضي تطلق
ترى المحكمه حبالها طويله جداً ممكن تاخذ ثلاثه اربعه الى 6 أشهر
اذا شاف القاضي مافي أمل فيكم عاد يخليك تطلقها
مو كل زوجه راحت للمحكمه يطلقها القاضي ( مو لعب عيال هو )
روح المحكمه وشوف وش يصير
ولا تطلق وخليك بارد اعصاب وقول للقاضي بكل اللي عندك واللي صاير
ترى القاضي بيسمع منك وبيسمع منها كلاً على حده
وفي الجلسه اطلب ان والدها يغادر غرفة القاضي لأنه موضوع بينك وبين زوجتك
والدها لايتدخل وقول للقاضي كل شي واللي حاصل وكل اللي انت شايفه من أهلها من حركات
مالها داعي
رآح يأجل الجلسه بعد شهر لعل وعسى تصطلح الأمور
وترجعون لنفس السالفه ويحاول القاضي فيكم الصلح وفي لجنة إصلاح ذات البين
لاتفكر ان الطلاق بالسهل
خلهم ينطبخون
وانت طنش ولا تفكر تتصل بس لاتقصر على عيالك
مصاريفهم ومأكلهم ومشربهم وحاول تاخذهم كل جمعه تمشيهم بالذات البنت الكبيره
باقي لها سنتين وراح تاخذها غصباً عن عين ابوها
حضانة البنت الى سن 7 سنوات عند أمها بعد كذا تاخذها بـ أمر من المحكمه
وابوها أولى فيها
ريح نفسك ولا تفكر كثير وبرد على قلبك وخليك طبيعي
وإن شاء الله ربنا بيسر لك أمورك بمشيئة تعالى
ولا تنسى تطمنى وتكتب كل شي بوقته لا تتأخر
موفق أخوي
التعديل الأخير تم بواسطة ابو جـــــوري ; 12-03-2011 الساعة 12:58 AM