الحمد لله إنك ما زعلتي من كلامي ، هذا كمان سبب من أسباب تأخري
كنت خايفة أدخل و أشوف رد لك إني زعلتك و ما أحب أزعل أحد ..
و خاصة اللي قلوبهم مثل قلبك ..

و خاصة إنت يا دلوعة ، لإنك من جد متعبة في هذه الفترة .. و أشيل همك بجد ..


-----------------------------------------

شقردية يالغلا ..
ما نستغنى عنكم ولو ..

اقتباس:

احم .. بأنضرب من شقردية ..
أنا ( مع ) البوصلة ..

بس مو هي السرّ الوحيد لحل جميع المشكلات .. بس بيساعد في أمور عديدة
و مشكلة دلوعة ، يبغاله ( تغيـــــــــــــــــــيييير جذري )
لإنها مثل ما ذكر مرة الأخ حكيم في رد من ردوده عليها

إنها في مشكلة حقيقية ..
و هي من جد إمرأة رائعة و قوية و صابرة، بس مسلوبة الإرادة بسبب اللي حولها ..
بسبب تنشأتها و خوف بداخلها من اللا مجهول ..

و لازم ( تسترد إرادتها ) .. و مو صعب عليها إن شاء الله
دام إنها متعلمة ماشاء الله و موظفة و مستقلة ماديا


دلوعة ..
بأقول لك شئ ، قبل لا أركز على نقطة السلبية ..

زوجي يوم تزوجته ، كان أكبر انسان سلبي في العالم كله ..
من جد أتكلم ..

دحين تعالي و شوفيه كيف تغيّر ؟ و كان الكل يقول مستحيل يتغير
و أنا كنت الصراحة ( خايفة من الفشل ) في تغييره ..

حتى افتكر ( عمي ) قال لي قبل عقد القران لإنه كان رافض زواجي منه،.
زوجك طول عمره عايش مع أهله .. على بالك إنه بيتغير بعد كل هذه السنوات ؟

و الحمد لله إنه زوجي ابتعد تماما عن السلبية ..


تخيلي ؟ أول أيام الملكة .. كان إذا أحد زعله ، يبكي و يدعي على نفسه بالموت ..
كنت أقول بداخلي .. ( لا لا .. مو معقول ؟ بكرة إذا أحتجت له ، بيجلس يبكي معاي ؟ )


الهدف من كلامي ..
إنه مافي شئ مستحيــــــــــــــــــــــل ..

و خاصة إنك شفتي دحين بعينك ( نتيجة السلبية ) ..
و عشتي الألم و ما تبغي تكرري المأساة أبدا ..

فكري عشان أطفالك ..
الأطفال يحبوا يشوفوا أمهم ( قوية و يستمدوا منها القوة ) ..
لا تكرري نفس حكاية والدتك معاك ..

.
.

راجعة يا عسل ..
( فكرتيني بولدي .. تعلّم يقول .. ماما أاااااااا تال <- ماما عسل ) ..