اقتباس:
المشاركة الأصلية كتبت بواسطة بنت الحكمي
ههههههههههههههههههههه
وش فيك عليه يا أم سلطان ترى لازم إن المرأة تتحلى بقليل من القوة والشجاعه علشان لو قدر الله عليها بمكروه وصار معاها شئ تقدر تدافع عن نفسها العويل والصراخ ماراح ينفع المرأة وقت الظروف لازم تكون محنكه وتعرف كيف تتصرف بذكاء و تخرج نفسها من المآزق .
ما عجبني في كلامج الا كلمة (قليل) 
مسدس وثعابين وتقولين قليل من الشجاعة؟ .. عيل الكثير كيف يكون 
ما شاء الله عليج يا ام سلطان .. ليتني مثلج عيني عليج باردة .. ذكرتيني بيوم كنت في بيت ابوي الله يرحمه .. ونص الليل قمت بادخل الحمام ـ الله يعزج ويعز الجميع ـ ولقيت صرصور كبير .. وعادةً في مثل هالمواقف أنادي الخادمة عشان تذبحه .. بس قلت حرام اقومها نصايص الليل عشان صرصور .. وولدي سلطان أحياناً يقعد الصبح قبلي فخفت يدخل الحمام وفيه الصرصور .. فما في مفر من التحلي (بقليل من القوة والشجاعة ) على قولتج .. مسكت الفرشاة اللي ننظف بها المرحاض وانتي بكرامة وحاولت اضربه بها وهو يروح هني وهناك وانا انقز مكاني اخاف يمشي صوبي والا يطلع على رجولي .. لين ما انتصرت عليه  .. بس ما تجرأت امسكه وارميه فخليته مكانه لين الصبح وطلعت ركض من الحمام.
واليوم الثاني قعدت من النوم قبل سلطان وما دخلت الحمام الا عقب ما ناديت الخادمة عشان تشيله .... والله يا ام سلطان اني كنت خايفة منه حتى وهو ميت 
بعدين تعالي أنتي وينك هاليومين ماعاد شفتك في المنتدى أشتقت لك ياشيخه لايكون تتوحمي وحنا ماد رينا
ترى البنات أحب زووجي ونونو
شكلهم في إنتظار خبر حملك على أهبة الإستعداد كلن بتنشر الخبر وأنا جالسه مراقبه توقيعك
أبغى أشوف صورة قطار الحمل متى يبين إن شاء الله ربنا يرزقك بالحمل السليم الطيب المعافى عن قريب أنتي وكل حالمات الأمومه يارب ترزقهم وتبارك لهم يارب ياسميع الدعاء . |
تشتاق لج العافية يا ربي .. سبحان الله اليوم الصبح زوجي يسألني: هااا ما حد فقدج في المنتدى؟ .. قلت له: اصبر شوي اكيد حد بيسألني وين غطستي هالفترة
يا ستي الكيبل مال اتصالات كان خربان والنت والتلفون كانوا مقطوعين طول هالاسبوع .. وأمس بس صلحوه
يعني مب وحم
.. ولا تخافين انا الحمدلله وحامي بالعادة خفيف ومحتمل .. واحب الناس بزيادة وانا حامل
على كل حال .. بدينا المشوار بالفوليك أسيد .. وإن شاء الله شهر والا شهرين بالكثير ونبدا المحاولات الجادة
.
ولا تراقبين فديتج ولا تتعنين .. انا من نفسي باحط لكم البشارة يوم يكرمني رب العالمين ويرزقني بالحمل .. وتراني سويتها قبل وحطيت بشارة حملي في مهرة فديتها .. انتي بس ادعي لي بالتيسير وان الله يرزقني ببنوتة ثانية
الله يرضى عليج يا أم سلطان دنيا وآخرة.