اولا مبروك يا عروسة ...
ثاينا .. حبيبتي زوجك ان شاء الله فيه الخير الكثييير بس محتاج دعم و تقوية
و هنا دورك
بالنسبة لمشاهدة الصور و المقاطع ... حاولي انك تجذبيه ماقصد بالزينة و كدا لانك مو مقصرة على كلامك
لا و انما لما يروح من دوامه و يدخل الفيسبوك .. على طول روحي اقعدي جنبه و نزلي الحلا و القهوة
و اقعدي طلعي سوالف و نكت
ممكن بعد فترة من جلوسه في البيت قومي البسي عبايتك و اتجهزي و قولي له يالله حبيبي نطلع نغير جو طفشانة
و اطلعوا اي مكااااان المهم بس تبعديه عن النت
و اقعدي على هذا الحال.. اطلعي له باشياء تلهيه عن النت فترة لغاية مايقل تعلقه ...
اشتغلي على الجانب الديني .. مثلا ارسلي له ايميلات عن عقوبة هالاشياء
عن زنا النظر و العادة السرية
ممكن حتى تنقلي له قصص..
قولي له: احدى صديقاتي وصلت لي سؤال و حابة تعرف منك راي الدين (بما انه امام مسجد)
زوجها يشوف مواقع اباحية و هي جدا متضايقة لانها تعرف انها حرام
فاقولي ايش راي الدين و هل ربي يبعد من حياتهم البركة ؟؟؟عشان حرام حالتها صعببة
و بنفس الوقت ووبعد مايرد عليك .. امدحييية وقولي له الحمدلله اللي ربي رزقني بمن يخاف عقابه
ومايسوي هلاشياء القذرة ...
بالنسبة للعلاقة ,, اذا ماطلب ,, انتي لمحي .. الزقي فيه و اتعلمي من حركات كيد النساء
اذا رحتي لبيت اهلك او لاي زيارة اتاكدي انك تعطيه حقه قبل ما تطلعي حتى لو ماطلب
انتي تجملي و اتحركشي فيه 
لغاية ماتصير العلاقة و ساعتها ان شاء الله ماراح يلتفت للصور
بغيابك لانه يكون لسه مشبع من علاقة زوجية صحيحة ,,, و حاولي ما تطولي بزياراتك
الله يسعدك و يهدي زوجك و يرزقكم الذرية الصالحة
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله