المشاركة الأصلية كتبت بواسطة Baraa1123
اخي الكريم
لا تفعل ما تتوقعه هي منك.. خالف توقعاتها عندها ستعيد حساباتها بصورة جدية أكثر
لا تبادر وطنشها، وصللها فكرة انك بجد بايعها وخلص مليت من وضعك معاها..
انا شايفة انها هي يلي كل مالها عم تشد عليك وانك بترخي وتتنازل!!!
صار لازم تزقف عند حدها،،، بغض النظر انك جرحت شعورها بكلامك او لا
لا تهتم ، هي اهتمت بمشاعرك لما رفعت عليك دعوة بالمحكمة؟؟
سألت عن شعورك لما ما خلت حدا بالعيلة الا ويحكي عليك او عليكم انتو ال2 سوا؟؟
انا من رأيي حتى انك تاخد حقك كامل حتى المادي بعدين انت اعطيه لبنتك
او رجعلها اياه بأي طريقة تانية لتوصلها فكرة انك حقك بتاخده من عيون الكل وبكيفك بتعطي!!!
ولا حدا يفكر انو جبرك على شي، يا أخي صدقني المرأة لما تتزوج مهما كان وضعها ببيت أهلها
ومهما كانت مدللة ومحترمة فيه، لما تتزوج وتعيش ببيت زوجها مهما كان (الأغلب) مارح ترتاح
ببيت أهلها حتى وضعها مارح يكون كالسابق،،، يمكن انت ما لمست هالشي منها بالرغم من كل
هالفترة لانك ما أشعرتها انك خلص مليت وانك رح تطلق بجد، كل هالفترة كانت ملاحقة منك الها
ومحاولة للاصلاح، يعني مازلت متمسك فيها وكل ما بينت تمسكك هي زادت عناد وجبروت!!!!
ولاحظ انها كا ماحست انك بلشت تفقد الأمل بتعطيك شوية امل انها هي بدها ياك وشاريتك وووو
لذلك خلص ابعد، من اجل اطفالك ومصلحتهم ابعد، خلي امهم تصحى وتفوق من غفلتها...
حتى لو اضطريت للطلاق، طلق طلقة وخذ كل حقوقك من مهر وووو كل شي ولا تتنازل أبدا!!!!
بعدين انت اعطيها بكيفك!!!! اظهرها قوتك وقدرتك.. مش انتقاص لرجولتك لا سمح الله
وبعد الطلاق طنشها وبعد فترة بدل ماترسل مرسال للاصلاح ارسل مين ينشر اشاعة
بحثك عن عروس وانك تريد الزواج...
|