المشاركة الأصلية كتبت بواسطة البحلة بالنفس

اعرفهم يتعاملون بطريقتين..

اما تسجل ولدها بدي كير يوم كامل يعني من 6 الصباح ل 6 المساء يعني متى ما صحيت من
النوم 8 ولا 9 تودي الولد للدي كير وتقعد تدرس لين المسا بعدين تجيبه وتكون مسؤولة عنه
لين ينام واذا كان عندها دوام زوجها يجيب الولد من الديكير ويجلس معاه لين هي ترجع وكذا
وبالويك اند لو تبغى تطلع او تبغى تدرس تجيب بيبي ستر..

الطريقه الثانيه يتعاملون مع ناني تجي من يوم الاثنين بيتك وتبات عندك لين يوم الجمعه لكن
تقولك حددي 8 ساعات باليوم امسك فيها الولد وبس وباقي الوقت تقضيه بغرفتها.. والويك اند
تروح ويجيبون عاد بيبي ستر ثانيه لو محتاجين..
الناني متعبات الصراحة و أرفض فكرتها بالمرة .. الفكرة الأولى حلوة بأخليها في بالي
و مثل ما قلتي ،، كل اللي أعرفهم في أمريكا يوم أسألهم عن الشغالات ؟ يقولوا ما يدروا
و ما يعرفوا أحد معه شغالة من هنا ..


الاسعار تختلف اختلاف تام من مدينه لمدينه او من ولايه لولايه انا عايشه في كالفورنيا وهي تعتبر من اغلى الولايات وعلى حسب ما اسمع من صديقاتي (انا ما عندي اطفال) ان الدي كيرز تترواح ما بين ال 800 ل 1500 دولار بالشهر والنانيز ياخذون بحدود 400 دولار بالاسبوع من غير الويك اند طبعا والبيبي سترز بالساعه وعندك مواقع كثيرة تقري الريفيوز اللي الناس تكتب عنها وتختاري على مزاجك وتكون تبع شركه يعني شغل مرتب تخليها عند عيالك وانتي متطمنه..
لكن في ولايات ثانيه تكون الاسعار ارخص بكثييير فيعتمد.. الاطفال بالغربه صعبين مرة مرة لكن من وجهة نظري اهون من قلق الشغاله وانتي على اعصابك لو يوصل لها محامي ويتفقون عليك انخرب بيتك..
أدري عنهم المحاميين في أمريكا ،، زميلتي مرة راحت هناك لبيت أخوها و كانت تبكي و نزلت تحت
تقول شافها محامي و جلس يسألها ليششششش تبكي ؟ أحد أذاك ؟ أنا مستعد أرفع لك قضية
و أكسب لك تعويض مالي و كذا ... إلخ .. زميلتي كانت معصبة و تبكي ،، و قالت له بعد من قدامي

من جد يخوفوا ..

بس خلاص قررت ،، بأروح لهناك و أخد زوجي معاي ..


الموضوع مب بس على الناشطين السياسيين زي ما قال الاخ شاطئ المحبه لا هو من بعد المحامي اللي رفع القضيه على حميدان والمبالغ الكبيرة اللي دخلها صارت ترند وصارت الشغاله لو تفكر تشتكيك بتروحي بداهيه لان حتى لو ما لفقت لك تهمه مجرد انك مشغلتها عندك بالبيت اكثر من 8 ساعات باليوم وماتعطيها راتب يوازي الحد الادنى للاجور بامريكا فيها سجن ومشاكل و زي ما قلتلك تراهم يدورون الزله على السعوديين فالحذر واااجب..