حبيبيتي الحمدلله على سلامتك فرحت اوي لما شفت اسمك بجد ليكي وحشه 
بس انا زعلانه من الي عملاه في نفسك والجو الي انتي مدخله نفسك فيه انا عارفه ياحبيي ان الموضوع مش بأيدك وانك مش قدره تتحكمي بنفسك بس انتي كده بتضري نفسك وبتصعبيها على نفسك اكثر أهم حاجه في الحمل الراحه النفسية وأنك متشغليش نفسك فيه اوي لأنو التوتر بيقلل نسبة النجاح
سبحان الله وكأن رب العالمين بيكافيء الصابر والراضي والمتوكل
حتقوليلي انا بحمد ربنا على كل شيء وراضيه بحكمتو حقولك معلش متزعليش مني بس حالتك النفسية الي منعتك انك تدخلي تشاركي اخواتك الي بيحبوكي بالمنتدى والي خلتك تبكي لما تمسكي طفل بأيدك معناه انو رضاكي ناقص متزعليش مني انا بحبك وعشان كده بصارحك ...
حرام تدوري على الي ناقصك الي ربك رزقك فيه أكبر بكتييير من الي انتي بتدوري عليه
مش عشان الأطفال مش مهمين بالعكس االأولاد زينة الحياة الدنيا فمبالك لما يكون الواحد متعلق فيهم وبيحبهم ونفسو يكون عندو ولاد من قبل مايتجوز
بس بنفس الوقت انتي وأحمد زوغننين ولسه العمر قدامكم طووووووويل ولسه حياتكم في بدايتها ولسه بتقولوا ياهادي واهم حاجه انكم ادرتو انكم تجتمعوا في بيت واحد وانك اتجوزتي الي بتحبيه والي بيحبك وبيحترمك وبيخاف عليكي ومش بيدايقك عايزاكي تعيدي الجمله الأخيره دي مية مرة وتحمدي رب العالمين من كل كل كل قلبك لأنو في مليووون وحده نفسها يكون عتدها الي عندك .....
متضيعيش لحظاتك وأيامك مع جوزك وانتي بنفسيه وحشه حتى لو قولتيلي انا مش بحسسو مستحييييييييل مايكونش حاسس انك متغيره
أفرحي بحياتك وعيشيها بكل مافيها وسيبي الرزق للرزاق .. لما يقسملك حيحصل من غير حول منك ولاقوه
قولي يارب وانتي فرحانه وانتي مقتنعه انو انتي مش ناقصك حاجه قولي يارب وانتي متيقنه انو بكره احسن وان الرحمن الرحيم حيققلك كل الي تتمنيه وحيكتبلك الخير الي هو وحـده بس أدرى فيــه .
التعديل الأخير تم بواسطة أحلامي بسيطة ; 23-03-2011 الساعة 11:30 AM