المشاركة الأصلية كتبت بواسطة بنت الحكمي

ماشاء الله تبارك الله يامهره ربنا يبارك لك في سلطان ومهوره ويحفظهم ويخليهم لك شوفي ياقلبي أنا كنت عندي إبني سلطان كان عمره في حدود السنتين هاذا سلمك الله كان عنده جنون على رجولي بالذات لو شاف فيها الحناء يموت عليها بس الفرق بين سلطاني وسلطانك إن إبنك يبوس بس أنا إبني يعض كنت لو جلست ومديتها بس يشوفها وجري عليها ولو أنا حاطه فيها حناء شكلها تعجبه وتلفت نظره
مره تغافلني وأنا وأبوه جالسين سوالف وماحسيت إلا بعضته أحاول فيه أبغاه يفكها ماقدرت وأنا روحي تبغى تطلع كان نفسي أزته كف حتى يدو خ
بس رحمته صغير رجعت أدغدغ بطنه إلين ترك إصبعي إلا وسنونه مغروزه في الجلد غرز وجلست توجعني ومتورمه حول يومين بعدها صرت ألبس شراريب بالبيت حتى إبتدى ينسى سالفة العض وكنت ما أجلس إلا وأنا لافه رجولي تحتي كله خوف عليه بالذات أنا أحط حناء وتكون بينه إضافات أخرى من محلبيه وخلطات ثانيه
ولما توضع بين الحناء يبقى لها أثر في اللون ورائحه قويه وأنا أخاف عليه يتسمم منها وتلافيت الوضع حتى إبتدى ينسى بالنسبه للبوس بصراحه الحين سلطان في الصف الأول متوسط وأخوه في الصف السادس إبتدائي والثالث في الصف الثاني إبتدائي والله إنهم من أنفسهم الواحد منهم يباغتني و يمسك رجلي و يبوسها
ما أحس فيه إلا وهو طاب في رجلي أصيح لا لا مايصير كذا بوس راسي بوس يدي بس رجلي ماله داعي دائما إجابتهم لي واحده يقول يا أمي الجنة تحت رجلك فلاتحرميني من بوسة هالرجل والله إنهم كلهم هاذا أسلوبهم حتى أنا أحس بإحراج لما يبوسون رجلي مدري ليش بالنسبه لبوسة المدرسه هاذا واجب عندهم كل يوم في الصباح أستودعهم فيه ربنا وأدعي لهم بالتوفق والبوسه الحمدالله عيالي متعودين عليها وقت الصباح ولما يدخلون البيت وعندي الولد هاذا إللي يدرس في الصف السادس
لو أنا واقفه يجلس يحبو على ركبه ويدينه حتى يوصل عند رجلي وما أشوفه إلا وهو طايح يبوس رجلي وهو عمره 12سنه وأخوه سلطان 13سنه
وللحين كل ما أتيحت لهم فرصه يبوسون رجلي كل ما أنهيهم وأزجرهم عن هاذا الفعل ردهم لي الجنة تحت أقدام الأمهات شوفي وعيالي أنا في سن كبيرن لا كن أنتي توه ولدك صغير الله يصلحه ويخليه لك ذخر تتفاخرين فيه بين الأئمه والشيو خ يارب ونسأل الله أن يديم عليك السعادة وراحة البال
يا أم سلطان وربنا يوفقك بإذنه تعالى ويحفظ لك زوجك وعيالك
وأهلك من كل سؤ وشر اللهم آمين .