حياتي انتي ياأم حارب ويابنت الحكمي ربي يسعدكم دنيا وآخرة

عاد يا بنت الحكمي العين حق واحمدي ربك وحصني نفسك ماشاء الله تبارك الله لاقوة الا بالله

الفرق بينا انه زوجي هلكني بسيرة الزواج الثاني عشان يقهرني ولما اوريه انه مو هامني ولا فارقة معي واني اتكلم جد يزعل اني ما اغار عليه هههههه

ويقول الناس بمصيبة وانا اروح اجيب لنفسي مصيبة ثانية واصير بمصيبتين

واذا قلت له ابوك متزوج اثنين وابن الوز عوام ،، يقولي وانتي شايفة ابويا مبسوط ؟؟؟

بس اللي يقهر انه نفسه يتزوج زي كل الرجال لكن عقله وظروفه تمنعه ، احيان اقول وقوع البلا اهون من انتظاره

يعني يا ام حارب الوحدة تظل في خوف من انه زوجها يتزوج عليها ، وتبذل جهدها عشان تحافظ عليه ، بس اذا تزوج خلااااص مافي شي تخاف منه ، ترتاح وتعيش حياتها

مادري انا كذه افكر واستغرب من اللي تثور وتزعل في كل مرة يتزوج فيها ، خلاص لا يضر الشاة سلخها بعد ذبحها ، تزوج ثانية ولا ثالثة ولا رابعة خلاص عادي ماتفرق

ولا اقووول

الظاهر لاننا ماجربنا مانقدر نحكم ، لانه فعلا الثانية بتأثر على عقل وقلب زوجك ومشاعره وبالتالي راح يتغير تعامله معاك وعطائه تبعا لذلك

بس تصدقي ، حلو انه الوحدة اذا تزوج زوجها تتخلص من تعلقها فيه ويصير تعلقها بس بخالقها يمكن هذا هو أهم ايجابيات التعدد

ولام حارب ،، ننتظر قصتك ،، ولا تتألمي ولا تنجرحي ولا تحزني حبيبتي والله حاسة فيك ،، بس خذيها بايجابية وفكري في النواحي المشرقة لا تفكري في الالم عشان نفسك تستاهل الافضل ،، وصدقيني كل وحدة فينا عندها اللي جرحها وآلمها ،، بس صدقيني تعلمت أهم شي في حياتي من كل تجاربي المؤلمة ،، انه كلللل شي يصير لنا هو خييييير لنا من الله ،، واحنا بنظرتنا البشرية نشوف انه مو خير وانه ألم وانه ابتلاء ،، لكن رب العالمين له حكمة من ورا هذا الابتلاء ،، والمفروض اننا نحاول نكشف هذه الحكمة ونحمد ربي عليها واذا ماقدرنا يكفي ايماننا وتسليمنا بقضاء الله وقدره ويقيننا انه خير لنا وبكذه ترتاح قلوبنا

أم حارب
صدقيني تصرفك وخروجك من بيتك يرضي احساسك الداخلي ويرضي انوثتك ويشفي شي كثير من جروحك ،، بس صدقيني لو كنت القلب الحنون المعطاء ،، والقلب اللي يلجأ له زوجك في أي وقت تضيق عليه الدنيا ،، قلب الأم اللي ماينقفل بابه أبدا ،، وقتها بتكبري في نظرك ،، ومن ثم بتكبري في نظر زوجك

أدري انه صعب بس حاولي

اعذريني اذا ضايقك ردي ،، ويشهد الله اني حبيتك أعجبني ثباتك وصمودك رغم الألم ..

ربي يفرج همك ،، وينفس كربك ،، ويجعلك حورية في عين زوجك ،، ويجعلك أميرة قلبه ،، وماء عينيه ،، ويقذف حبك في قلبه كما قذف حب عائشة في قلب النبي محمد صلى الله عليه وسلم