الأخت نبض واحساس

معليش بس لا تقارني اللي صار لك باللي صار لي ..
اذا انتي فرطتي في خطيبك او ما عرفتي تتعاملي معاه مو معناها انك تفصلي موضوعي فقرة فقرة
وتقلبي جميع أخطاءها علي ...

تستحي تكلمني حتى بعد ما اتمينا سنة؟
تستحي تتصل علي وتسأل عني ونحن نقضي بعض الأوقات الحميمة معا؟

هي ملتحقة بالكلية ... وتحتاج مساعدتي في احد المواد ...
ليش تتصل علي بس لما تحتاج اني أساعدها في المادة؟

وأوقات غير كده لو اتصل ما ترد ...
ظهر ... عصر ... مغرب ... عشاء .. قبل النوم

ماترد...

وايش قصدك اذا تسمحي توضحي لي ... لما تقولي "قوية" و "هذه أقوى"
هذا الواقع ... لو انا ما اتصلت لا يمكن هي تتصل ...

مرة من المرات سافرت أسبوع للرياض ... هي عارفة موعد مغادرتي وموعد عودتي من الرياض
وقلت ماراح اتصل عليها اشوف هيا راح تتصل وانا مسافر ولا لأ ...
وكان الجو بارد ... واتعبني البرد ومرضت ... ورجعت من الرياض
ولا اتصلت قالت لي الحمدلله على سلامتك ..

اذا هي تحبني على قولتك ... كان تحرص على انها تسمع صوتي ...
كان على الأقل ترسل مسج ..
وبعد عودتي من الرياض ... كان يوم أربعاء ... وعدى الخميس اللي هو اليوم الوحيد اللي اشوفها فيه
بدون حتى ما تكلمني ...
وعدى الجمعة .. ويوم السبت ارسلت لها رسالة بينت لها اني زعلان منها ...
ولا اتصلت ولا ردت ولا حتى بمسج ...

وغير هذه المواقف كثير ... فرجاء لا تضعي نفسك في مقارنة معي وتقولي استعجلت ولو صحيح انك تحبها
والكلام هذا ... لأنه ماحد يعرف انا قد ايش حبيتها الا ربي اللي خلقني وربي شايف اني ما قصرت معها في اي شي
أبدا ولا يوم رفعت صوتي عليها ...

فلا تحاولي رجاء انك تحطي الخطأ علي ... البنت ما زلت أكن لها معزة كبيرة ...
قد يكون حبي لها مازال موجودا ... ولكن دفنته الشوائب التي حلت بيننا ..

لكن يبدو انك ما جربتي ان تحبي شخص من أعماق قلبك وتعطيه كل شئ والطرف الآخر ... لاشئ

اتحملتها طول فترة الملكة ... هي اهمال تام ... وانا اللي جلست ادور وراها واتعذب ...

وتقولي الرجل ماهمه الا اللقاء الجنسي ... وتقولي لازم نبني عقولنا والزواج ما تفككه أشياء تافهه ...
أشياء تافهه؟ اهمالها التام لي شئ تافه؟
ياما وياما احاول افتح لها مواضيع جدية تخص حياتنا المستقبلية وزواجنا وتعاملنا مع بعض ...
وكانت تتهرب ...

انسانة حبيتها من كل قلبي وبينت لها هذا الشئ ... كنت اكتب لها رسائل ما كنت اتخيل انني يوم ممكن اكتب
كلمات مثلها ... كنت دائما اضع رأيها قبل رأيي ... وراحتها قبل راحتي ... ورضاها قبل رضاي

ما أدري ايش اقول اكثر من كده الحقيقة ..

فعلا كلامي طلع صح ... أمي كانت تقول لازم الناس يعرفوا انه هي اللي ما تبغاك وانت ما غلطت معاها في شي..
لكن كنت أقول لها ... يا أمي، الناس مو لازم يعرفوا كان خطأ مين ...
لأنه مهما قلنا من أسباب وحتى لو قلنا ان الخطأ خطأها .... سيأتي من يضع الخطأ علي ...

وردك هذا أكبر دليل ..

والله يهدي الجميع ... ويوفق الجميع