أصل عشان تحصدي لازم تزرعي الأول أنا طبيعتي معاهم في البيت إني بضحك وبلعب معاهم وبساعدهم وأدافع عنهم وأجبلهم هدايا وأعمل لهم مفاجآت وجو فرفشة بالبيت ومقالب مابتنتهيش ولو حد بتعجبو أكلة بطبخهالو ولو حد منهم وجهتو مشكلة أحلهالو وأساعدو ودا من غير ماأحسسهم إني مستنية منهم مقابل بس لو حد ضايقني بزعل وأواجهو بيني وبينو وأحاول أفهمو غلطو ولو أقنعتو بنتضر منو الإعتذار ولو ما اعتذرش ببعد عنو وأكتفي بالسلام بس يعني مفيش ضحك ولا دردشة ولا طبيخ ولا مودة ولا حاجة لغاية ما يحس بقيمتي ويشتاق لتعاملي معاه زي الأول ويجي يعتذر ويوعدني مايكررش اللي عملو تاني ساعتها أسامحو وأرجع زي الأول بس لو طلع أنا الغلطانة ساعتها أنا اللي بعتذر والحمد لله بس نصيحتي ليكي حبيبتي ماتاخديش في نفسك وماتحاوليش تحافضي على سعادة حد على حساب سعادتك والحلم نعم الخلق بس العتاب واجب وإياك والغضب فقد نهانا عنه الرسول الكريم عليه أزكى الصلاة والسلام تعاملي بأعصاب باردة وماتخليش تصرفاتهم تأتر عليك وفي نفس الوقت لازم يعرفو إنك مضايقة منهم بسبب تصرفاتهم وحاولي تزرعي في قلوبهم محبتك بطريقتك من غير ما تتعبي نفسك أو تحمليها أكتر من طاقتها واحتسبي الأجر لله وماتنتضريش منهم مقابل عشان ماتنصدميش لو قابلوك بغير ماتوقعتي وإنشاء الله تحصدي الخير وطمنينا على أخبارك بننتضرك موفقة أختي