بس الحين انا بامريكا وهي بالسعودية والله يا اخوان السنة الماضية لولا وقوف زملائي معي ماكان نجحت من كثرة المشاكل زملائي يقولون انت منت بطبيعي وشبك ويا احبابي تصدقون ان المشاكل تستمر من العصر ويمكن المغرب الين الفجر ماهي راضية تنهي المشكلة علي خير
ومرة حصلت في جوالها رسالة لصديقة لها تبي رقم السفارة هاه وش رايكم تصدقون انها من ثاني شهر زواج

بعدها صارت تلعن الجامعة وتكرها و تهددني بالمؤخر 50000 ريال وتقول والله ما تحصل مثلي وتقول احمد ربك اني معاك و ما تكوي ملابس و تبيني اطبخ معها وانظف البيت معها و ياويلي لو اخرب شيء احيانا اروح برا البيت ارجع احصل الفناجل والصحون مكسرة كلها و مرة من المرات كسرت كل العطور
ومرة كانت تهددني بالشرطة الامريكية يا اخوان تكفون ابي كلام واقعي وشلون ما اطلقها
و انا اقدر كلامكم يا احبابي لكن والله ثم والله اني اذا سمعت ان فيه شخص طلق زوجته اني احزن وانا مالي دخل بالسالفة مرة فيه زميلين جاني خبر طلاقهما والله ما بغيت انام ذالك اليوم من الحزن علي وضعهما
. لكن انا ادرس يعني لازم يكون ذهني صافي وقتي يكون حسب الدراسة مو حسب هي وش تبي انا احس ان الطريق الي انا فيه لو رجعتها مرة ثانية هوه نفس الطريق السنة القادمة لان يقال في المثل " تزول الجبال ولا تزول الطبائع " بعدين لو انسان فيه ذوق ويستحي علي وجهه ما سوا نص الي سوته فأنا ودي أني أعرف كيف اطلقها بدون ان ادفع المؤخر لاني ماقصرت وهي الي طلبت الطلاق و هي المفروض تسوي خلع وترجع المهر لكن احترام للعشرة وتقديرا للنسب ما راح اخذ منها قرش وانا الحمد لله قنوع و عندي عزة نفس لكن ما توقعت ان فيه بنت راح تسوي مع من يحبها الي سوته عروستي خصوصا امريكا غابات و حدائق و جو ومطار و شلالات وملاهي وبحر مو طبيعي وجبال شاهقة و ثلوج بالشتا وش تبوني اصف لكم بس واستقلالية الزوج بزوجته بدون اقارب و غربة تخلي الزوجين يحبون بعض اكثر انا ما اقول انا كامل لكني كنت احاول اغطي عيوبي باشياء اخري ورحلات علي كيف كيفكم
احبابي لو ما احصل الا زيها و الله ما عاد اتزوج الواحد يعيش حياته بكرامة وراحة ولا بلاش ها الحياة

مرة تركت الايميل مفتوح ورحت للجامعة والحمد لله انا انسان ما عندي اي شيء اخبيه عن احد المهم حصلتها فرت ابو ابوه ومافيه شيء الا مشيكة عليه وبرصوه مشيكة علي ملفات الابتوب وكل شوي تشيك علي رسائل جوالي اقسم بالله اني بديت اشك بنفسي اني خربان
انا الحين بامريكا و هي بالسعودية طبعا اخر مرة سمعت صوتها وسمعت صوتي اليوم الفيصل يوم الاتصال
وبعدها ما حصل اي شيء والمشكلة ان امها مسيطرة علي البيت وابوها انسان طيب الي درجة ان الام تسوي الي براسها وهو ما يقول شيء انا الحين ساكن بفندق والاثاث حاطة بمستودع و ادور علي بيت ثاني
يا اخوان انا متبهذا بهذلة انا الحين بالاسبوع الخامس من الدراسة والله اني ما ادري وش الي بالمواد غير اساميها عقلي ما هو معاي متشتت و مقهور وحزين ومحبط خصوصا ما عاد صار لها في قلبي اي قبول و صارت بعيني زيها زي اي حرمة من الشارع
هل نظرت لها نظرة شرعية قبل الزواج؟
نعم وتعلق قلبي بها من تلك النظرة بشكل اني لو لم اتزوجها كان بصير فيني شئ
هل سألتم عن أهلها، وعن البنت بشكل جيد؟
ايه و الناس جالسين يمدحون
هل استخرت قبل الإقدام على الزواج؟
الحمد لله ايه وابشرك رأيتفي المنام اني اوزع كروت الزواج
هل هي تدرس هناك في الغربة أم تعيش الفراغ؟
تدرس علي حسب المزاج مرة تدرس ومرة تحذف ( مرحلة اللغة)
هل تواصلت معها لمعرفة أسباب الطلاق الحقيقية من ناحيتها؟
لا
هل طلبت لقاء والدها لإخباره بكل شيء؟
لا
ماذا تنوي أن تفعل؟
ان انفصل