قلت حافكر وارجعلكم.. صراحه فكرت وأغلب المواقف الي في بالي أحس ماتنكتب هههههههههه
بس يلا محا أستحي منكم
لما كنا في شهر العسل رحنا جزيره بعيدة في ماليزيا ماني فاكره اسمها ..
وكان فيها ألعاب مائيه.. ( موسن واي لاجون) قالي زوجي ايش رايك نتزحلق.. لوووول
كنت جايبه معايا لبس طويل ينفع للسباحه .. بس حسيت شكلي حيكون غلط ..
لانه كلهم أطفال .. المهم أصر عليا .. قلت يلا كم مره حنعيييش
وطلعنا فووووق... الزحليقة على مرحلتين وحدة ونوصل مسبح في النص والتانيه أطول وللنهايه
ويلا نبدأ لازم نركب القارب المطاطي ركبت أنا قدام وهوا ورا وماشاء الله عليه طول بعرض
واتزحلقنااا بسرررررعه ونوصل المسبح الي في النص الا وانا متشقلبه بقوووه حسيت اني اتكسرت صراحه
هههههههه هادا واحنا في شهر العسل ومستحيه منه
قالي اشبك اتعورتي قلتله
لا بس شويه
باقي الزحليقه التانيه الي توصلنا لبر الأمان
قال خلاص انا قدام وانتي ورا عشان مانطيح زي أول .. قلتله طيب
بس و وركب هوا وجيت أنا أركب الا القارب نزل بسرررررعه ههههههههههه وماركبت انا
وسرت محبوسه في النص.. مااقدر اطلع ولا أنزل.. تخييلو
واستنى واستنى واشوف اطفال رايحيين جايين .. على باله حانزل ولا ايش
الين بعديييييين لقيته طالع ومعاه قارب النجاه :14: ورمولي هوا
صراحة كل ماافتكر هادا الموقف اموت من الضحك..