حياك الله ياسالم

انت ماقلت هل هذا الزواج الاول لك او لا
عموما
شوف اخوي انا مطلقه وعندي بنت

بداية الطلاق كان فيه حكي انه شاب يبغى يتقدم بصراحه انا تمنيت من داخلي انه مايجي تدري ليش

لاني كنت خايفه من اشياء :
1- هو شاب وانا مطلقة وام خفت يكون هذا الاختلاف حاجز بيننا او نظرته تختلف لي او نظرة اهله
2- خفت على بنتي من الزوج الجديد انه مايحبها ويظلمها ويرميها برى بيته وانا اصير اتورط معاه باطفال
3- خفت من ابو بنتي يجي ياخذها لاني اتزوجت

بالاخير ماجاء اساسا صار مجرد كلام

الخلاصه يا خوي اذا انت فعلا شاري البنت وتبغاها اول شي بين لها او لاهلها اهمية بنتها عندك وانك تعتبرها بنتك وهذا شي انت حاطه في الحسبان علشان مايتشوش تفكير الام وماتعرف انت تبغى البنت او لا
ثاني شي نظرتها للطلاق اذا هي فعلا شايفه انه الزواج غلطة ومازالت بقايا الفشل الاول في داخلها فهذا الموضوع امره في يدك تقدر تغير نظرتها فترة الخطوبة في طريقه تعاملك واهتمامك وعقلانيتك واهم شي اخوي نصيحه من اخت لا تحاول تحربش في قضيه طلاقها او تسأل عن زوجها الاول انسااااااااااااااااااااااااه تماما وابدأ معاها من الصفر لانه اذا انت بديت تقارن هي دايركت بتقارن وهذا مو في مصلحة الزاوج نهائيا
بعد الزواج اذا صار الاتفاق انه البنت تعيش معاكم فلابد تكون لها زيارات لابوها وهذي مسؤوليه خوالها بس المهم انك تبين لهم من الان انه هذا شرع الله وانت مو ضد علاقه البنت في ابوها

اقول هذا الكلام على اساس انه تفكيرها مثلي كل اهتمامي بنتي

شي ثاني اذا هي حديثة عهد بطلاق فشي بديهي بتكون كارهه الزواج بس شوي شوي يتغير تفكيرها للحياة

والله يوفقك ويكتب لك اللي فيه خير

__________________