ياقلبي وربي اني حزنت وبكيت لقصتك عارف ليش لاني بنت والمواصفات اللي فيك مستحيل اي بنت تفكر فيها غير باحلامها لانها اصبحت اقرب الى الخيال من طبائع الرجال
وزوجتك الجاحده يجيها انسان مثلك وتتكبر وتجحد النعمه بس هادي غلطتك لانك اعطيتها وجه بزياده كان المفروض تدلعها وتكرمها وتكون رومنسي معاها بس بحدووووووود
لاكن لاتحزن عليها لانها ماتستاهل دمعه من دموعك ولا تستاهل انك تضيع دقائق من عمرك في التفكير بانسانه مثلها
وهيا راح يجيها يوم وتندم وتتمنى تراب الارض اللي تمشي انت عليها
واحمد الله انو الى الآن ماجاك اطفال منها يربطوكم في بعض طول العمر يعني دحين حتقدر تنساها وبسهووله
وانت مو زعلان ولا جالس تبكي لانك تحبها لا بكاك هادا وزعلك من قهرك مقهووور لانك احسنت اليها وااسأت اليك
مقهور لانك اعطيتها ومنعتك وتنكرت كمان لك
مقهوور لانك اعطيت حبك واهتمامك لانسانه ماتستاهل
الله يعوضك خير
واتمنى انو هادي التجربه ماتأثر عليك في المستقبل يعني لما تتزوج مرا تانيه لاتقسو على زوجتك وتأخدها بذنب زوجتك الجاااحده
وفي نفس الوقت لاتكرر الغلطه نفسها تعلم كيف تتعامل مع الانثى بحزم
النساء متمردات بطباعهن ويحبوون اللي يخليهم يجرون وراه مو اللي يجري وراهم
وعلى حكاية المؤخر لاتطلق الين مايطلبوون خلع هما ويسقط المهر مع اني اشك انهم بيطلبون خلع هادا ازا مارجعولك هيا بس عشان مايدفعوون
معرووفه هادي الاشكال
وبالنسبه للاخوان اللي يقولون غلطتك قبلت بمؤخر انا اعترض معهم في هادي النقطه
يعني من حق البنت تطلب مؤخؤ ضمان لحقها مع انو دي الايام ماسار شي مضموون يعني حتى لو الرجال بيطلق يقدر يعذبها ويبهدلها الين لما تكره نفسها وعيشتها معاه وتخلعه ويسقط حقو
يعني اللي تطلب مؤخر تتعب نفسها عالفاضي