اه يا خواتي واخواني
مالي الا الله ثم انتم افضفض لكم
بنتي الكبيرة عمرها 4 سنوات صارت تسالني ليش ما نروح بيتنا
وليش ما تروحي معانا مع بابا في البداية فهمتها نو ماما وبابا زعلانين من بعض شويا .. سكتت
بعدها بشويا قالت لي طيب انا ما ابغى اروح البيت الا معاكي وصرت افهمها شويا شويا واقتنعت الا شويا جاتني وهي شوية وتبكي قالتلي ماما وحشني بيتنا نروح كلنا انا وانت واختي وبابا وحشني العابنا في البيت وحشني نسوي عجين معاكي في المطبخ .. ااااه والله ما عرفت ايش ارد علبها مسكت نفسي بالقوة قدامها عشان ما ابكي
لكني دحين ماني شايفة الشاشة من دموعي .. وكمان قالتلي انتي وبابا تموتوا وبعدين ربنا يعطينا انا واختي بابا وماما تانيين وانا مابغاهم انا ابغاكم انتوا والله كلامه خناجر في قلبي
ابوهم طلبهم الاتنين يمشيهم وانا قلت لبنتي قولي لبابا انا ماما خلاص مو زعلانة منك انت كمان لا تزعل منها هل تصرفي دا صحيح مع بنتي ولا ما اعاد اكلمها كدا عشان نفسيتها ..علما اني ما كلمتها الا لاني حسيتهافاهمة هي بالاساس نبيهة ماشالله عليها
ادعولي اخواني