عزيزتي ،،

بأتكلم بكل صراحة ، و مثل ماقلنا لك إنه لك حقوق ..
فلا ننسى إنه مانطالب حقوقنا على حساب حقوق الاخرين ..

و راح أقتبس بعض اللي لفت انتباهي .. و اعتذر إن أزعجتكك ..

1 -

اقتباس:

مهضومة الحقوق بسببي أنا وتدليعي له أخاف يطير من يديني او يروح لضرتي

حبيبتي ..

هل معنى هذا إنه تقصيره مع عائلته بسبب محاولتك لإستمالته لك ؟
ترى إذا بيظلم أولاده عشانك أو عشان نفسه ، فراح يجي يوم و يظلمك ..

ما أعرف إذا كان عندك أطفال أو لأ ؟
لكن ولدي اللي من لحمي و دمي إذا ما أشفقت عليه ، فمستحيييييييل أشفق على غيره

هذه نظرتي و يمكن تخطئ عند البعض ..

اللي فهمته هنا ، إنك تنازلتي عن حقوقك و عن كل شئ ( عشان هدف ) ..
يعني ( يتمسكن لحد ما يتمكن ) ..

ما أعرف ؟ كيف راح ننصحك الان بالمطالبة بحقوقك و إنت رضيتي به و رضيتي بالأمر هذا من البداية

إنت هدفك - مثل ما فهمت من البداية - إنك تكسبيه لطرفك و تبعديه عن زوجته ..
و إنه ما يروح لها ،، و ما كان هدفك من البداية إنك تكون لك حقوق ..

و الهدف تبعك ( تحقق ) ..
بس شكله السحر بدأ ينقلب على الساحر ، و كأنك بدأتي إنت الي توقعي و يوم شفتيه بدأ يبعد عنك
وقت مرضك و حاجتك له ( بدأ الخوف يدخل لقلبك ، إنه بيرجع لبيته الأول و لأولاده ؟ )

هذا اللي فهمته من الحكاية كلها ..

.
.

2 -

اقتباس:

أهلك أغنياء ويودونك ويجيبوك وهم يقولون لي لاثقلين عليه ويشجعوني على تدليعه وأني ادور راحه وخصوصآ الوالدة يقولون يوم خطبك وهو يقول ادور الراحه ابي حرمه تريحني

حبيبتي ..

اللي فهمته دحين إنه أهلك راضيين بالأمر و متقبلين الشئ هذا من قبل زواجكم و من يوم تقدم لك
يعني إنتوا رضيتوا بالشرط ، إنه يبغى حرمة تريحه و ما يبغى وجع راس و أمك و أهلك و إنت ،،
كلكم راضيين

طيب نحن إيش بيدنا نعمل ؟
كل الأطراف راضيين .. و فجأة تجي تقلبي على زوجك ؟

لو إنه زوجك تقدم من البداية على إنه يبغى زوجة يعيش معها مثل بقية الأزواج
ثم بدأ بالتقصير و الإهمال ،، كنا قلنا لك مثل ما قلنا في البداية ..

إنه لك حقوق و ليه ساكتة عنها ..

بس إنت و أهلك و هو من البداية راضييين بالأمر ..
و هذا سبب زواجه و إنت تعرفي الشئ هذا ، و سامحيني إذا كلامي زعلك

بس يمكن كلامنا راح يضرك أكثر مما يفيدك ؟

يعني دام أهلك راضيين و أمك كمان ، فخلاص .. إذا بيوم من الأيام تضايقوا ..
فلك الحق إنك تقولي لهم، إنتوا من البداية سكتوا و قلتوا لي أسكت و أرضى بالأمر

بس نجي دحين نحاسب زوجك على شئ إنتوا كلكم متفقين عليه ؟
ما يصيييييير ..

.
.

3 -

اقتباس:

هو مايروح لعياله كوجبه اساسيه الا يوم بالاسبوع او يومين يروح يتغدا ويغسل يديه وعلى طول يطلع ويجي لمي ينام الظهراذا صرت موجوده بالبيت واذا كنت برا دق علي قال ابمرك ودي انام معك وهذي الحركه ادري قهر لحرمته الاولى انه بس يجي يتغدى ويخرج مايجلس معهم ولا ينام معها والله العالم ان زوجته الولا كانت تقهره بالجنس

حبيبتي ..

إذا زوجك جاء يوم القيامة و نصفه مائل ، هل راح يقول لربنا العذر هذا ؟؟؟

هل هذا سبب أو تبرير له للتقصير بحقوق أطفاله و زوجته ؟

هل الحياة الزوجية تقتصر فقططططططط - بالفراش - ؟؟؟؟
مثل ما عمل معاك ؟ يوم تعبتي في المستشفى ، صرتي خلاص ما تنفعي ؟؟؟

ما أعرف ؟
أية نظرة ينظر بها هذا الرجل للنساء و للحياة الزوجية ؟؟؟

أطفاله مين يربيهم إذا يشوفهم مرة في الأسبوع ؟؟؟
و يروح كان بس عشان ياكل و يغسل يده ( يعني أناني درجة أولى ) ..
رايح عشان ( معدته ) ..

.
.

اقتباس:

مره تغدى وجاء لمي وكنت أخر حلاوه وبيتي مرتب وريحته تفوح عطور وغرفة النوم تفتح النفس كنت مجهزه ابتكلم معه عن حق من حقوقي جاء وستقبلته عند الباب وسلمت عليه قال الله على النظافه والريحه قلت بنفسي الحمدلله راضي اقدر اتكلم معه دخل غرفة النوم وانسدح على السرير جيت بجنبه قلت ابوفلان ودي اتكلم معك قال هاتي ماعندك يوم بديت اتكلم ودرا اني ابتكلم عن حقوق حب يضيع السالفه قال اللحين مخلي عيالي ولاجلست معهم جاي ابستانس معك وأنام معك وانتي تتنكدين علي ((وهنا مربط الفرس يدري أني ماأحب انكد عليه وأحب اريحه ويدري أن نقطة ضعفي بيته الأول))

لا تعليييييييييييييييييييييييييييييييييييييييييق ..

أخاف اقول شئ أكسب اثم ..
بإختصار ، أي رجال مكانه أكييييييد بيكون مبسوط ،. بس مافي وحدة تبغى زوج بالإسم
و يجي ياخذ حاجته و يروح ،،

بس إنت رضيتي بالأمر هذا من البداية ..

و مافهمت جملتك ( نقطة ضعفك بيته الأول ؟ )

هل معناها بإنه ابتعاده عن أطفاله و تقصيره معهم ( إنت السبب فيه ؟ )

.
.

اقتباس:

كلمت استشاريه وقلت لها على الموقف قالت لو مايحبك ماجاء لك وترك اولاده وممارس الجنس الا انه يرتاح معك وزوجك باين انه تزوج يدور الراحه فريحيه

مادري لييييه ؟ ما حسيت إنه كلام يطلع من استشارية ..؟؟؟

لو ما يحبك ،ما جاء لك و ترك أولاده ؟

هل هذا الحب بقاموس الإستشارية ؟؟؟؟

.
.

لإني اللي فهمته شئ اخر ..

= لو ما يحب نفسه ، ما كان ترك أولاده و جاء لك ..
= و اللي يحب الثاني ، يدور على راحة الاخر ،، مو على راحته ( هو ) ..

.
.

و سامحيني لإني ما أقدر أتابع ..
أخاف تزعلي من كلامي