السلام عليكم ورحمة الله وبركاته...والله ما بعرف كيف بدي ابدأ بالحكي بس نفسي اطلع الي بقلبي واحكيلكم قصتي وادعولي هالاختبار الرباني يكون في ميزااان حسناتي..بالبداية انا حملت فبنتي البكر بعد زواجي بشهرين ولما حملت فيها فرحتي كانت مو سايعتني انا وزوجي واهلي واهل زوجي وكنت طايرة من الفرح بحملي وانا اشوف بطني تكبر يوم بعد يوم ولم بدات احس بحركة البيبي وما كان عندي اي مشاكل ابدا ابدا بالحمل الا على اخر شهرين صار معي التهابات شديدة واتعالجت منها بس للاسف كنت اول ما حس بتحسن اترك العلاج... المهم اجى موعد الولادة طبعا حسيت بالطلق قبل 10 ايام من الولادة طبعا هاي الالام كانت الام التهابات وانا افتكرها طلق واروح للمستشفى يحكولي التهابات مو موعدك...يوم الولادة كان اصعب يوم بحياتي الطلق عندي مو طبيعي لانه عندي التهابات واكيييد الي عندها التهابات حاسة اديش ولادتي كانت صعبة تصدقو ضليت بغرفة الولادة 16 ساعة وصار معي نزيف ولحقوووه باخر لحظة لدرجة انه اغمى عليا من الالم كنت اصحى على الطلق وبس يخلص يغمى عليي تاني والحمدلله قمت بالسلامة وبعد ما شفت بنتي وضميتها لصدري نسيت التعب كله يا الله شو كنت فرحاااااااانة فيها وهي بتكبر يوم بعد يوم بحضني وقدام عيوني واهلي كانووو طايرين فيها يموووتو فيها لانها اول حفيدة لالهم اول ما افوت البيت يتسابقوا مين ياخدها بالاول ويلعب معها ويحضنها يا الله شو بدي احكي ولا احكي المهم بدأت تتحرك وتقلب على بطنها وبدأت تزحف وتلعب وتضحك وتناغي وانا اكون مبسوطة كل ما تعمل شي جديد... لما اجى اليوم الي الله ياخد فيه امانته الي امني عليها بعد 8 شهور انحرمت منها بلمح البصر صار معها رشح واستفراغ اخدتها المستشفى حكولنا عندها تضخم بالقلب بس شاكين مو اكيييييد والله مو مصدقة كلامهم لانه عمره ما ظهر عليها اعراض مرض القلب عمرها ما ازرقت ولا تعبت خالص حطوها بالعناية المركزة لمدة يومين وبعدين توفت... تصدقو وهي بالعناية المركزة لما تكون فايقة بتتطلع فيني وبأبوها وتعيط تصدقوا كانها بتحكيلنا تعالو خدوني والله قلبي اتقطع عليها اتمنيت انا الي اكون مكانها ولما توفت ما كنت مصدقة ولغاية الان مو قادرة استوعب الموضوع مو قادرة اقعد بالبيت من دونها بحسها موجودة بكل ركن فالبيت... صعبة كتيييير لما قطعة من قلبك تكبر قدامك يوم بيوم بعدين تروح منك فجاة بس هو النصيب راحت بس تركت النا زكرياااااات بتجنن ما بتغيب عن بالي لحظة بنام وبحلم فيها كانت متل البدر(حبيبتي يا ماما)صار الها متوفية 3 شهور بس حاسة انها متوفية من يومين بس يا رب تعوضني خير امااااانة يا بنات الي تقرا قصتي تدعيلي الله يعوض عليي عاجلا غير اجل معلش طولت عليكم بس والله نفسي احكي لكل الناس عن معاناتي الضحكة بتطلع غصب عني والله ادعولي بالصبر حبايبي ....يا رب الصبر يا رررررب....ربي لا تذرني فردا وانت خير الوراثين...اللهم اجرني في مصيبتي واخلف لي خيرا منها امييييييييييييين يا رب