اقتباس:
المشاركة الأصلية كتبت بواسطة حياة افضل
لا يا أختي الحمد لله أنا أديت الي أقدر عليه والحين أنا أعتذر ما أقدر أدي أي شيء ولا عاد اقدر اتحمل والله بيعوضنا خير
الرسالة الأولي
" لو سمحت ارسل لي ورقة طلاقي بكرة بدون مشاكل ولف ودوران ماعاد فيني صبر اكثر من كذا زي ما دخنا بالمعروف نخرج علي فكرة امي فهمتها كل شيء وقالت القرار بيدي مستحيل يجبروني علي شيء وانت عارف لا تستهر قسما بالله اني اكرهك كره ما تتوقعه وابي اطلق الحين مو بكرة بعد لو سمحت خلص الموضوع ولا باكلم المحامي ينهيه"
الرسالة الثانية
""" وين اتفاق امس ليش اشال ابوي يقول ما كلمته انت وبعدين معاك انت واستهتارك لو سمحت اذا عندك كرامة ورجال انه علاقة خربانة ما ابي ارسلك رسايل لان الرسايل فيك حرام انا مابيك اقسم بالله اني ما ابيك حتى اسمك كرهته لا تتوقع اني بارجعلك غصب ولا بيشدني احد مع اذني وانا في بيت ابوي انا اكرهك اكرهك اكرهك وندمانة علي قراري وحياتي معاك
الرسالة الثالثة
اتصلت امس جوالك مقفل هذا دليل علي وشو يا شجاع اترك التعليق لك علي بالك ان الطلاق بيدك خلاص راح اموت واجلس وراك اطلب ورقتي انا ا عرف اخذها وبتشوف كيف انت اللي اخترت هذا الاسلوب والايام بينا يا انا يا انت
والله لا يريكم مكروه ولا تشوفون زي كذا رسايل بحياتكم كلها
فعلا انتم رائعون |
الصراحة رسايل طبيعية ( أقصد ما تصل لمرحلة الطلاق ),,, وقت الزعل الزوجة يمكن يطلع منها الكلام وأكثر,,
لاكن بعد ماتهداء تتراجع عن كلامها...
هي متوقعه انك ماراح تخليها عند أهلها وراح تحاول تراضيها ( أحيانا الزوجة تحاول إثبات قيمتها و أن زوجها مايقدر يستغني عنها , أو تأدب زوجها بهذه الطريقة ) , لاكنك سحبت عليها وهي الآن في مرحلة الصدمة او يمكن الغضب انك تخليت عنها بكل سهولة , هي الآن تطلب الطلاق لأنها واثقة بالمؤخر انك ماراح تطلقها , و رسائلها لك الآن , يمكن لأنها ماهي قادرة تعتذر بسبب عنادها وغرورها , أو أنها حست انك ناوي تتركها فخايفة تعتذر لك وبعدين تطنشها.
أتمنى منك تفكر بعين العقل وأنت إن شاء الله إنسان فاهم و واعي .. أنت على الأقل كلمها و أترك الرسايل
وراح تعرف وقتها إذا هي صادقة بكلامها ولا لا, أتوقع انها أستوت اللحين و راح تبكي في نص الكلام طبعا هنا تدخل عليها من باب شعرة معاوية وتهد اللعب وتوضح أنك تحبها بس أسلوبك معي غلط , ولا راح أسكت على أهانتك لي ..
انت منت خساران شيء إذا حاولت مرة أخيرة وتذكر الفرس من خيالها , حاول تتعامل مع زوجتك في الفترة هذي كالخيال الي يروض جبروت وعناد فرسه وأبتعد عن الدلع الزايد لأنك أنت سبب رئيسي لمشكلتك جولات وهدايا , انت الي وصلها للمرحلة هذي.