اقتباس:
المشاركة الأصلية كتبت بواسطة سمو الأميرة
لا حول ولا قوة الا بالله
في انتظارك
|
بارك الله فيك, واشكركم على متابعتكم,
اقتباس:
المشاركة الأصلية كتبت بواسطة البليغ
الأخ الكريم/ أبو فهد
-حقيقة قرأت ردك ومستجداتك قبل قليل.
-الحمد لله على كل حال.
-الله سبحانه له مقادير وأحكام في الكون، والإنسان لا يعرف ما هو الخير له.
-لعل الطلاق خير لك.
-استرخي الآن+انتبه لبيتك وأولادك من الزوجة الأولى والثانية معاً+اضحك+جدد حياتك+سافر إن أمكن+تجنب دخول بيت طليقتك إلا للضرورة+أشغل وقتك بالمفيد+تواصل مع أقاربك+تواصل مع أمك كثيراً+خذ زوجتك أم فهد في نزهة أو سفر مع أبنائها.
-أنت أمام الاحتمالات التالية:
أ) إما أن تترك المرأة في حال سبيلها، وتكتفي بامرأة واحدة، مع عدم إهمال أولادك من طليقتك.
ب) تدعها تقضي عدتها إلى الأسبوع الأخير من العدة، ثم تفكر عميقاً مع الاستخارة في إرجاعها بشرط أن تفرض شروطك عليها كاملة، وتأخذ منها الجواب بقبولها للشروط مع وعد التطبيق.
ج) في حالة هي أرسلت لك أو اتصلت عليك (هذا ما أتوقعه) فحاول أن (تثقل) قليلاً، وتهملها فترة، ثم ترد على اتصالها أو رسالتها بفرض شروطك كاملة أيضاً عليها، وتأخذ منها الجواب بقبولها للشروط مع وعد التطبيق...إن حصل هذا الأمر فلا ترجعها للبيت حتى تقترب العدة من النهاية كذلك.
:::
أسأل الله لك التوفيق.
|
جزاك الله عني خير الجزاء , اشكرك اخوي والله اشكرك, والنعم وثلاث تنعام فيك يالنشمي,
وما لي غنى عن نصايحك خطوة بخطوة.
وموضوع الاسترخاء ربك يسهل بس نعدي هالفترة وترتاح الوالدة ونسترخي.
موضوع اولادي ما ادري وش اسوي فيه . بصراحة حاليا ماودي اشغل نفسي بمشاكلها.
صحيح تهمني راحة اولادي بس في الوقت الحاضر بحطهم على جنب .
بس بكتب بموضوع مستقل وياليت الادارة ما تدمجه هنا لانه صارت الصفحات كثيرة وتحوسني.
وقضية السفر ان شاء الله بسافر , لكن موبالان شوي قدام.
بس يا اخوي وش اسوي عشان الادارة ماتدمج موضوعي بصراحة ازعجني الشي ذا؟
اقتباس:
المشاركة الأصلية كتبت بواسطة بوح قلب
الله يوفقك ويقر عينك بام فهد ويخليها لك
ويعوضكم خير
|
امين , بارك الله فيك
اقتباس:
المشاركة الأصلية كتبت بواسطة ليه الغرور؟
الي مثلها مايتعلم من دروسه صدقيني..
ابو طبع مايتغير وربي لو تتزوج مليون رجل وتتطلق في كل مره بتضل مثل ماهي بنفس الاسلوب مع كل الرجال..لانها طبيعتها كذا.وتعاملها مع الرجال كذا.الناس فيه منهم الطيب وفيه النذل..
الي مثلها مابتستمر الا مع واحد مثلها نذل ويطيح فيها ضرب وحرمان سبحان الله صدقت الآيه الي تقول(الخبيثون للخبيثات)لان واحد منهم يروض الثاني..(ولله في خلقه شؤن)
|
شكله والله اعلم, بس اسأل الله لها الصلاح , لنه صلاحها صلاح لنفسها .
لاحظت كثرة ردودك ولم ارد عليها ليس تهميشا , ولكن اشعر وكأنه موضوعي منرفزك , أو تشعرين وكأني ظالم لزوجتي (د) تأكدي حسن الخلق يكسب, وسيئ الخلق يخسر, وانا كنت احاول قدر الامكان ما أظلم ولا وحدة فيهم. صحيح قصرت شوي مع (د) لكن باذن واحد احد اعوضها خير.
وأشكر لك مشاركاتك ومتابعتك , بارك الله فيك.
اقتباس:
المشاركة الأصلية كتبت بواسطة cila
الله يهدي الاحوال بيناتكم
|
جزاك الله خير.
اقتباس:
المشاركة الأصلية كتبت بواسطة سيدة الموقف
::
:
السلام عليكم ورحمة الله وبركاته
من خلال مواصفات زوجتك أجد أنك أتخذت القرار السليم
فهذه الطباع عادة تحتاج لرجل مختلف نهائياً عن شخصيتك
ليتمكن من ترويضها وجعلها تسير على الطريق المستقيم
وتتعلم أحترام الرجل وأحترام الحياة الزوجية وأحترآم الآخرين
ومراعاة مشاعرهم والحفاظ على حقوقهم
::
الآن أخذت درساً وجربت ماكان قلبك شغوفاً بتجربته
ذهبت النزوة وجاءت الصحوة
هناك في الطرف الآخر أنثى تحتاج لمن يضمد جرآحها
فأحسن إلى زوجتك الأولى حاول أن ترمم عري ما أنفصم بينكما
وحافظ عليها لأنه كما يبدو لي أنها أنثى حكيمة وصبورة جداً
: |
ممكن قد أكون الرجل الغير مناسب لها, فقد هيئت لها جميع سبل الراحة والاستقرار, ولكنها ابت ان تستقر,
فذلك هو شأنها.
وموضوع ارمرم عري مانفصم بيننا مافهمتها!
وش سويت عشان ارمرم؟ عفوا والله مافهمت!
اقتباس:
المشاركة الأصلية كتبت بواسطة موووووف
لا معليش تقدر تتغير انا كنت زيها والعن كمان ويشهد اللة اني تغيررررررررررررررت 360 درجة زوجي بهذلتة كم مرة تصير بينا مشاكل يالطيف كم مرةيروح لعند المحكمة بيطلق وكم مرة يسيبنى عند اهلى يمكن 6 مرات بس الحمدللة الحمدللة تغيرررررررت
|
انت كنت مثلها ولكن لديك القناعة للتغيير, وهذا يختف منك عنها.
هي ماعندها استعداد تتغير, واعتذر ماعندي استعداد اكمل باقي عمري معها.
لانه التشتت وعدم الاستقرار يسيئ لكل من هم حولي!
ثلاث سنين وانا احاول معها مافاد وش اسوي اذبح عمري فدوة لعمرها!
اقتباس:
المشاركة الأصلية كتبت بواسطة اميرة الرومنسيه
فعلا على انها غير مأسوف عليها الا ان الطلاق احزني يمكن عشان الاطفال
ان شاء الله عيالي موبضايعين ,
الله يهنيك بحياتك الجديده ويخلي لك عيالك وزوجتك ويسعدكم
|
امين جزاك الله خير.
اقتباس:
المشاركة الأصلية كتبت بواسطة بوح قلب
موووف .. تبغين تروح حياته وهو ينتظرها تتغير ؟؟؟
هو جررب معها كل شي وصبر عليها فوق هذا
والله الواحد ما يقدر يصبر أكثر وهو بشرر
صح ان مالي دخل بردك بس استفزني و بصراحه لو ان ابو فهد حجر كان نطق من حلمه وصبره ماشاء الله عليه
والله يوفقك مع زوجك وابو فهد مع ام فهد
|
امين جزاك الله كل خير, وبارك الله فيك,
اقتباس:
المشاركة الأصلية كتبت بواسطة ابو جـــــوري
الحمد لله على كل حال اخي ابو فهد
الله يعوضك في حرمتك الأولى الخير كله
الله يجيرها في مصيبتها ويخلفها خير منها
والله يرزقك راحة البال ويهنيك في عيالك ويحفظهم لك ويحفظك لهم
أسال الله ان يسعد قلبك ويرزقك من واسع فضله
|
هلا والله بخوي,, امين وجزاك الله كل خير, ولك مثل دعاويك اللي تشرح الصدر.