مساء الخير يا بنات
يا رب يكون الكل بخير
دودى مشش عارفة اقولك ايه؟
بس الاكيد "قددر الله و ما شاء فعل" بس برضو عندى امل محدش يقدر يحوشنى
ابتسامة القمر
ربنا يكرمك بذرية صالحة على اد طيبة قلبك و الدعاء لينا
نورا حبيبتى
ربنا معاكى فى التنضيف بس نصيحة متتعبيش نفسك قوى حتسيبى الببيت 3 شهور و هو من اول اسبوع حيكون ربنا اللى عالم بيه فمافيش فايدة
يعنى انتى كبيرك تلمى التراب و تحطيه تحت السجادة بضمير مرتااااااااح
ربنا معاكى و يقومك بالسلامة و طبعا حتدعيلى و انتى بتقولى يام السعد ، فاهمممممة؟
مرميس يا سكرة لما تلاقى نفسك مخنوقة خشى هنا فكى خنقتك و انتى حترتاحى
اومال لازمة تجمعنا ايه؟
ربنا يبعد عنك كل شر و يفرح قلبك يا رب
سعود السكرة
بصى يا ست البنات
انا مرة و انا بعمل تنشيط طلعلى الكيس دا برضو و لما شافه الدكتور فى السونار على طول ادانى حبوب منع الحمل لمدة 15 يوم و عملى سونار تانى يوم للدورة و كان الكيس دا راح
و بعدين يا سيتى حبوب منع الحمل دى هى اسمها كدة بس هى هرمون ساعات بنتعالج بيه
فمتضايقيش نفسك سميها حبوب منع الكيس
ربنا يصلحلك الحال و يفرح قلبك بأذنه
اخر اخبارى الاستاذ الصغير وديته الحضانة يوم الحد كان بيلعب و لما سبته و مشيت اخد باله انى مش موجودة قعد يعيط شوية و بعدين لما ملقاش فايدة قعد يلعب
بس بجد مش عاوزة اقولكم كانت تجربة جميلة اد ايه
كانت جميلة لدرجة انى حسيت انى عاوزة استحمى روحت داخلة الحمام على طول و استحميت
يعنى شوفو محاسن الصدف
اعوز اقوم استحمى على طول مفضلش قاعدة استنى لحد ما جوزى يرجع من الشغل عشن ياخد الشيفت بتاعتى
انا بجد مودياه الحضانة عشانه و عشانى عوزاه يلعب و يتبسط و يتعلم كمان و انا اقدر اخد نفسى شوية
المهم النهاردة كان تانى يوم المفروض يروح بس امبارح بالليل اكتشفت انه سخن شوية تقريبا من التسنين فمراحش النهاردة و مش عارفة اذا كنت حوديه يوم الخميس كمان ولا لأ اصلى اخاف يكون فى فيروس و يعدى الاطفال اللى هناك ربنا يبعد الشر عن كل اطفال المسلمين و كمان غير المسلمين
باقى البنوتات العسولات اللى مقلتش اسمهم معلش انا داخلة فى السريع و رديت على الردود اللى فى الصفحة هنا و مرجعتش لورا بس كنت فاكرة رد مرميس من كام يوم فاتت
بحبكم فى الله و ربنا يفرح قلوبنا جميعا بخبر الحمل يا رب
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة