بالنسبه لموضوع الاولى .. شوفي وش مضمون الرسايل .. يعني يمكن دعاء له ...
واذا مثلا توصل اخبارها بشغلها وكذا .. اذا زوجك يقرا ويطنش يعني مايرد لها بمسج
فانسي الموضوع لانها بتقعد ترسل فتره وتنسى ...
بالنسبه للثانيه ... اممم بقولك عني شئ ... زوجي عنده بيت وماجره . وطبيعي بعض المستاجرات حريم
ارامل ومطلقات .. وفيه وحده تكلمه بس نادر وكله عشان الايجار ومره كبيره وماغرت اولا مره كبيره وارمله
ويكلمها قدامي واتصالاتها نادره ...
ولو انا مكانك ممكن اتضايق .. بس شوفي ياقلبي هي فقيره ومتزوجه وخليك واثقه من نفسك ومن زوجك ..
انتي روحي له بجلسه وديه .. قولي ياقلبي انا واثقه فيك مثل ماني واثقه بنفسي ..
واكيد يفرحني ان زوجي وحبيبي يحب الخير للناس .. بنفس الوقت ياقلبي قدر غيرتي عليك ..
اذا تبي شئ المره ترسل لك والاتصال للضروره او خلني اتعرف عليهم ونتعاون انا وانت على الخير
ويصير لك اجرين .. ( لو انا مكانك واكلم واحد شباب امه مريضه وفقران بنفس حجتك هل ترضى لي هالشئ .؟ )
- اللي بين القوسين مو لازم تقولينها لاني مااعرف وش طبيعة زوجك يعني خذي من كلامي اللي يناسبك -
فيه طريقه ثانيه ... قولي له انا احبك واثق فيك ولكن تعرف هالغيره .. بعدها بفتره سولفي معه بشكل عادي
وش سويت معه المره المسكينه وش فيه زوجها ....... يعني يالغاليه شاركيه فالموضوع وقولي له وش رايك
ازورها او اكلمها او مثلا قولي ودي اشتري لهم .. او ودي اطبخ وارسل لهم .. خذيها ياقلبي من باب الخير ..
ووقتها راح تخف غيرتك وراح تكلمك هي اكثر منه وعن طريقك ...
ياقلبي لا تخلين الغيره تعميك لاتخربين بيتك بيدك .. فكري كيف احسن التصرف ..
ياقلبي لاتجيبين طاري الطلاق لان الرجل يحس انك بايعه العشره ويحس انه مش مهم عندك
ادعي ربك بصلاتك يخفف غيرتك ويحفظ زوجك ويوفقكم يارب ...
التعديل الأخير تم بواسطة أعماق ; 07-04-2011 الساعة 12:43 PM