قبل كل شئ .. ما أخبي عليك حبيبتي الماضي الدفين و أعتذر على تطفلي ..
بس من زمان و يوم أشوف اسمك ،، أستغرب ليه قبلتي بشخص متزوج مرتين ..
مو تقليل من شأنهم ، بس حسيتك انظلمتي منه و خاصة إنك ما قصرتي معاه ..
حسيت إنك ظلمتي حالك يوم قبلتي فيه ، مو بسبب التعدد ..
بس تستاهلي الأأفضل .. و ربي إن شاء الله يعوضك بالأفضل أضعاف مضاعفة ..
و سامحيني لتطفلي ، بس كل ما أشوف اسمك ..
أقول من جد ( خسارته ) ..
.
.
اقتباس:
المشاركة الأصلية كتبت بواسطة الماضي الدفين
أختي روح الطير
بالنسبة للبيض المسلووووق فيه حريم نفاس كانوا ياكلونه وصار الله يعزك ريحته قوية في المعدة والاخراج , ولما سألنا وحدة تعرف بهالامور قالت النفاس ما تاكل البيض المسلوووق لانه يخيس البطن والتجارب أثبتت ...
ممكن تاكل لكن ما تكثر منه ...
إن شاء الله .. 
أما عن الغسول فهذا الغسول تنظيف فقط ما يضيق ولا شي بس نظافة وانتعاش
تدري ؟ أنا من زمان أخاف أستخدم هذه الأشياء ..
عشان كذا سألت .. و إن شاء الله بأدور لها عنهم ..
اما قشر الرمان مادري عنه ولكن هذه الاشياء مادري اذا تناسب كل نفسا بالذات اللي مخيطة يمكن تلتهب الجروح اللي فيها وتعرفين المنطقة تكون مجرحة كثير وصعب تحطين اي شي
فانا اشوف انه الصح ما تخاطر بهالاشياء تحاميل او غسولات شعبية ...
وتكتفي بالمشروبات والغذاء الزين والنوم الزين والرضاعة الطبيعة .. لا تخلينها تشرب بيبسي ولا الاشياء اللزجة مثل المانجا او باميا ولا تشرب الماء بارد خليها تشربه معتدل وتبعد تماما عن الاشياء الباردة وتكتفي بالمشروبات الحارة
نصايح حلوة و قلت لها دحين ما تشرب المويات الباردة أبدا
و أمس كنت بأعطيها مانجا ، كويس إنك نبهتيني ^_^
لا تنسين القرفة , والحلبة تدر الحليب , الحلاوة الصحينية
ابشريييي .. بأعطيها الحلاوة الصحينية 
خليها تدفى زين زين زين , وحكاية الشال علشان ما يدخل لها هوااا أظن وتدفى
لا تزعجووونها يا روووح أبدا خلوها دايم مبسوووطة
المشكلة يوم تجيك انسانة مشكلجية و تجلس تقرقر فوق راسها عن فلانة و علانة ..
كأنه ناقصها .. 
حطي عند راسها مسجل قرآن هادي مثل الشيخ سعد الغامدي , ولا تسولفون سوالف رعب أو مزعجة او تشاؤمية ترى النفساء تكون حساسة مرة
إن شاء الله ،، نصايح حلوة .. 
انا في نفاسي صابني رعب ولكن انا شوي ظروفي كانت صعبة
لانه مع بداية نفاسي كان انتهاء عدة الطلاق
الله يقومها بالسلامة يااارب |
الله يعينك ،،
مو كفاية كان تعب الولادة و النفاس ..
بس إن شاء الله ربي ما يضيع أجر أحد ..