طيب ..
بس بغيت اقول .. انا وصلت الموضوع لهذا الحد لهدف و هو ان زوجي يوقف عند حده
ما برجع له من نفسي .. و كأني ندمت اني زعلت عليه لأنه سبني
أنا مو ندمانة .. و كل واحد عنده كرامة ما يرضى بالمهانة و المسبة
ياحبيتي كبري علقك ولاتساعدي الشيطان على خراب بيتك
نصيحة من أخت أكبرمنك ومرت فيتجارب أكثر منك ترا راح يجي يوم تندمين
وتعضين أصابعك أحمدي ربك على هذه النعمة . وبعدين ياحبيبتي مافيه كرامه بين الزوج وزوجته .لان لله قال أنت لباس له وزوجك لباس لك .أنا مااقول ارضي بالمهانه والمسبه ولكن حليها في طريقه واسلوب أفضل من هالاسلوب . لمي الموضوع وردي بيتك وأكبر غلط سويتيه أنك طلعتي من بيتك وأخبرتي والدك.
يمكن معك ان طلعتي من البيت يمكن تكون غلط .. و ان الموضوع كبر لهالدرجة ممكن يكون غلط ..
بل هي أكبرغلط سويته. خليك ناضجه وحكيمة أنت لست في حلبة مصارعة ياغالب يامغلوب .وارجال أغلبهم كذا ولا تعتقدين أنه راح يجي ويقول أسف . لانك أهنتيه في طلعتك من البيت ورحتي زدتي الطينة بله وخبرتي أبوك ,زوجك يبيك أفهمي يابنت الناس .والطبائع كفيلة الايام في تغيرها لاتغلطين غلطتي . أعاني مرارتها إلى اليوم .
لكن الأمور وصلت لهالدرجة .. لأنه اصلا ما حاول يلمها ..
لاتظلمين زوجك بل حاول والدليل أنه ماأخبر أهله وأهلك في البداية
يعني أول ليلة جلست ببيت أهلي .. كلمني الساعة 11 بالليل يقول حلاوة أجي آخذك ؟ .. قلت له اذا لي مكانة و احترام في البيت اللي بتاخذني له تعال .. قال اوكي اذا تبين تجلسين ببيت أهلك تريحين و سكر السماعة ..
وتقولين ماحاول يلمها
ياحبيبتي لايضحك عليك الشيطان أنت كذلك فيك صفات لايقبلها لازوجك ولا غيره
أقلها عدم تحملك للمسؤولية وعدم نضج عقلك وقلة صبرك وأنتقادك لزوجك والنظر للامور من زواية واحدة وهي زواية الكرامة وجعل الزوج ندا لك وهذه لايقبلها أي رجل .
لو أنه بالفعل يحرص على حياته و انه ما يبغى المشاكل تزيد .. كان قال يا حلاوة بلا فضايح و تعالي احنا نحل امورنا بنفسنا ..
أما انه يتجاهلني و يتجاهل المشكلة بكل قسوة .. مو حل ..
ياحبيبتي قالها لكن أنت مافهمتي ( حلاوه أجي أخذك )
أنا ما راح أتنازل .. لأني ما جلست في بيتنا عشان أريح و ارجع له من نفسي ..
أنا مراح أتنازل هنا المشكلة هو زوجك وليس ندا لك .وش تبينه يسوي يجي راكع أو يجي ومعه الوجاه والواسطة علشان ترجعين أنت مارجعتي من نفسك هو قالك أجي أخذك . المفروض يوم قالها قلت أيه أنا أشتقت لك وأشتقت لبيتي , لكن شياله في خاطري عليك وهذا من غلاك عندي . ياحبيبتي الذكي والحكيم هو الذي يعرف من أين تؤكل الكتف . ياقلبي هذا زوجك وهذا قسمتك ونصيبك وأنت أولى به
ارضي بما قسم الله لك .
أنا طلعت لبيت اهلي بعد ما أكلت هوا كذا مرة من ورا لسانه
وين الصبر ( وبشر الصابرين ) ( إن الله مع الصابرين )
مايكفي هذا إن الله معك .
تطلقت أو جلست .. هو الوضع مو صالح بالحالين .. فما تفرق
ياسبحان الله أحسني الظن بربك ليش تقولين مو صالح ليش ماتقولين يبي يصلح
إن الله على كل شئ قدير أحمدي ربك إن الله ساق لك زوج البيوت مليانه بنات يتمنون زوج وبيت وعيال أتق الله ترا النعمه إذا لم تحفظ تزول
لا تقولين ماتفرق , راح تفرق وتفرق وتفرق .أنت هالحين الشيطان واقف معك ولايريك إلا سيئاته ويكبرها في راسك حتى يتم الطلاق لاسمح الله , وبعدها راح يتخلى عنك
وبعدها تتضح لك المحاسن ثم تبدأ مرحلة العذاب وهذا اللي يبيه الشيطان .أعتقد أنك تعرفين الحديث أنا لم أحفظة ولكن أن الشيطان يضع عرشه على الماء ثم يدعوا جنوده فيقول أنا جعلت فلان يسرق ويقول الآخر أنا جعلت فلان يزني ويقول الآخر أنا مازلت في فلان حتى طلق زوجتة فيقول أنت أنت يقربه منه . تدرين ليش لانه يعلم العواقب التي تأتي بعد الطلاق من أمراض نفسية وجسديه وأنحرافات إلا من رحم الله .لذلك جعله الله أبغض الحلال .
استهدي بالله وفكري في حرقة قلب أمك وأبوك عليك بعد الطلاق .
أنوي هذه النية وثقي إن الله سوف يجعلها في موازين أعمالك .
ياحبيبتي فكري بعلقك وترا جميع البيوت مليانه مشاكل .
ترا ياحبيبتي كل شئ يبدأ كبير وبعدين يصغر مع الأيام .
أه اه لو إني قريبه منك كان جيتك وسحبتك من شوشتك إلى بيتك .
أسال الله يهديك ويردك إلى بيتك ردا جميلا . ويسخر لك زوجك .
أكثري من الدعاء
أصلحك الله .