مقهورة وقلبي محروق على اهلي وحاسة بتأنيب ضمير
السلام عليكم
سامحوني ازعجتكم بمشاكلي وهمومي مالي الا الله ثم انتم افضفض لكم بالذات اني مسويه نفسي قوية
ولايهمني شي ومن داخلي قلبي محروق
ماكنت اعتقد اني بكون كذا بيوم من الايام
كنت بنت مااهتم بشي اسمه زواج او عيال او بيت
الي خلاني اهتم بهالشكل نظرات الشماته ياناس نظرات وكلام الشامتين يقتل مليون مرة في اليوم
مااتكلم عن ناس يتشمتون من برى العايله انا اتكلم عن اهل واقارب مني وفيني ومع هذا يقولونها بوجه امي الله بلاك ببنت طايحه
في كبدك مااحد يبغاها!!! بالله عليكم اي وحده تقدر تتحمل هالكلام
واي بنت تنخطب في عايلتنا يتعمدون يقولون لاامي ان كل البنات الله وفقهم ماعدى بنتك الان نيتك شينه
غير ان يقولون لاامي لاولد ولابنت عرستيهم اصلا مااحد بيطق لكم باب!!
الي تتأخر ماتتزوج ممكن تتأثر نفستها بس الي ينقال لها كلام يسم البدن تموت مليون مرة في اليوم
احيانا اسئل نفسي الى متــــــــــــــــــــــــــــى؟؟؟
كنت قبل اربع سنوات كاتبه في ورقه متفائلة ان في 2010 بيتغير وضعي وجات 2010 وبعدها 2011 والله العالم كم عدد السنوات الي بتجي
ماابي اتزوج علشان نفسي ابي اتزوج علشان امي علشان ابوي حتى لو تزوج واتطلق
علشان اسكت حلوق الناس الي ناشبة لنا
قسم بالله كاسرة خاطر نفسي
ليش يصير فيني كذا
وربي اكتب لكم ودموعي في عيني
كنت شعله من النشاط والطموح والضحكة ماتفارقني
اما الحين مالي خلق نفسي مالي قدرة ان ابتسم
بتقولون يووووو كل هذا علشان زواج؟؟؟
بقول لكم مب علشاني
علشان اهلي
ماني قادرة اشوفهم يتعذبون بسببي
حاسة بتأنيب ضمييييييييييييييييير مع ان مالي ذنب حاسة بحرقه في قلبي وغصه في حلقي وانا اتذكر كلام ابوي وهو يناظر نفسه في المراية ويشوف الشيب ويقول كبرت ولاعرست اولادي مع اني عارفه انه يقصدني بس ماحب يقولها
التعديل الأخير تم بواسطة حلم ميت ; 11-04-2011 الساعة 11:13 PM