تسلمين وتسلم أناملك على هالموضوع الحلو والطيب والمفيد بصراحه يا أم جمانه مواضيعك كلها في الصميم ولها أثر طيب على النفس وأنا والله عجبني كثير هالموضوع نفسي أ كتب مشاركه تخص موضوعك هاذا بس العذر والسموحه ماعندي وقت وأنا الحين دخلت وأنا مستعجله وكمان أنا بنتي الصغيره عمرها سنتين و8 شهور منومه في المستشفى من يوم الجمعه تعبانه ومحتاجه لدعواتكم الطيبه بشفائها الحين لها حول أربعة أيام طريحة الفراش في التنويم
عندها آلام في رجولها وتورم شديد حتى المشى كانت تمشي وصارت الحين ماعاد تقدر تمشي ولاحتى تقدر تحط رجولها بالأرض والسبب تجلط الدم بالأورده الدمويه وحاطين لها المضاد الحيوي مع المغذي بالوريد حتى تتحسن حالتها الصحيه وأنا مرافقتها بالمستشفى أسأل الله أن يشافيها و يعافيها وتقوم بالسلامه يارب وإذا قلت مشاركاتي فإعذروني هاذا بسبب الظروف إللي تمر فيها بنتي بإذن الله تتحسن حالتها وأرجع أشاركم يا أم جمانه حبيت أبشرك وأقول لك ربي أستجاب لدعائك لزوجي أبشرك زوجي توه علق الرتبه ترقى هاذا الأسبوع بس مع تعب بنتي ما عاد فرحنا بترقيته لا أنا ولاهو سبحان الله طلعنا نتمشى البحر
الخميس والجمعه والبنت تعبت والله لولا قدرة ربنا كان خسرت بنتي بس ربنا قدر ولطف تعبت علينا في منطقه تبعد عن منطقتنا حول 180كيلو وفي هاذي المنطقه مافيها مستشفى فيه إمكانيات فضطريت أرجع لمنطقتنا يوم الجمعه علشان أرجعها المستشفى العسكري إللي عندنا و يفحصوها وكانت حالتنا حاله 180كيلو مشيناها حسيتها طويله جدا علينا وكأنا بنسافر آخر الدنيا والبنت تصيح طول الطريق وهي تبكي ورجولها متورمه ومتشدده مره والحمدالله وصلنا والحين صحتها طيبه بس ماتقدر توقف ولاتمشي تحتاج تمشي بالتدريج
حتى تتحسن حالتها ويطلعونها من المستشفى وبصراحه أنا أشكرك من كل قلبي علآ دعائك لنا يا أم جمانه وتستاهلي الحلوان أنتي يابعدهم بس إستني إلين بنتي تطلع من التنويم بالسلامه وأبشري بعزك
يا الغاليه أسأل الله أن يوفقك ويسدد خطاك على طريق الخير و فعل الخير وقول الخير وينفع بك ياوجه الخير ونسأل الله أن يعطيك حتى يرضيك وأن يثبت خطاك بالحق و يعطيك ربنا حتى يرضيك في الدنيا والآخرة اللهم آمين أختك أم سلطان لاتنسينا من دعواتك يا أم القلب الكبير يا أم جمانه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله