خليني اقولك نقطة..
المرأه اذا زوجها "خانها" مره .. او حتى مجرد ان زوجته شكت بعمق .. تصير تحب تختبره من فتره لفتره من بعيد .. اذا نجح في الأختبار يزيد حبها له واذا العكس تبدأ تكرهه اكثر ..

انت شوف كيف اغرتك هذه المرأه الأخرى في حياتك اذا عن طريق العمل وهي تداوم معاك.. حاول تغير القسم حقك .. ..و اذا هي من قريباتك او مجتمع قريب منك .. حاول تتجنب البيئات اللي ممكن تختلط فيها بنساء و توقعك او تجرك للرذيله..
خلي زوجتك تتطمن ان الظروف كمان تغيرت .. مو تقول ممكن كمان في لحظه ضعف ينسحب بسهوله لأي امرأه .. مااقدر اضمنه ولا اقدر احس بالأمان معاه .. وانت كمان اريح لك وتبعد الشيطان عنك وعن كل شيطانه من شياطين الإنس ..

زوجتك مبين ان اللي فيها تراكمات مع الوقت ... كمان انت لا تسكت عن حقوقك .. كثره الطلعات و عيالك دايم مع الخدامه مايصير ... بس لا تحاسبها الحين ..مو وقته .. لأن غلطك اكبر من غلطها.. صلح غلطك اول و خل الأمور ترجع لمجاريها عادي وبعدها حط قوانينك .. واذا كنت معودها على الطلعات دايماً ماينفع تمنع مره وحده ... قول لها من زومان ماكان عندك إلا طفل واحد و وقتك يسمح لك تطلعين لكن الحين العيال كثروا .. خففي طلعات .. لمن تروضها بالتدريج على اللي تبي ...
لا تذل نفسك بزياده خليك منطقي في الكلام دون ان تذل نفسك ... لأنك لو ذليت نفسك بزياده و مثلا رجعتوا لبعض و صلح الحال.. وبكرا صار موقف بيسط بينكم .. ماراح تقدر تحل الموضوع بينك بينها .. بتوقف نفسك على شيء مو مستاهل و يصعب الأمر .. لأنك ضغطت على نفسك بزياده ...

الحين لو طلبت الطلاق هي لا تطلق ... عطها بنج مؤقت من غير ما تذل نفسك .. قول انا الحين بروح العمره واذا رجعت يصير خير .. روح جدد توبتك مع الله خل ربي يساعدك في امورك كلها .. وكمان زوجتك تحس بصدق توبتك .. تقول اعترف رأي من تأنيب ضميره له وكمان راح واعتمر وتاب ..

الله يسهل امرك