ياقلبي عليك يا موهوبتنا 
.
يحق لك التفكير والقلق.. بس لايكون الموضوع هذا ياخذ كل حيز من تفكيرك..
نبدي خطوة خطوة بعدين انبهك على شغله..
اقتباس:
المشاركة الأصلية كتبت بواسطة موهبة الكويت
1. لو لا قدر الله زوجته الاولى تبي ترجع له وقالت انها راح تتعدل وتصير سنعة
شنو التصرف الصحيح اللي اسويه؟
لا تستبقين الاحداث قبل وقوعها..
وأن وقعت ماباليد حيلة.. بس شوفي.. مدام بينهم طلقتين فمعناته هو عااااااااايفها.. وهي إمراة متعبه.
وكل الامرين خير لك بإذن الله.
إذا رجعت فأنتي تفتكين من تربية بنتين .. يصير همك عيالك وبس.
وإذا مارجعت برضو من صالحك سواء البنات عندك وتاخذين أجر في تربيتهم.. او كانو عند أمهم.
يعني كل الامور خير لك بإذن الله.
2. اذا قررت انها تاخذ البنات؟ طبعا زوجي واهله مو عاجبتهم تربية زوجته ولا اهلها عشان جذي ماخذين البنات؟
اللي عليك انك تبينين لزوجك عدم رفضك لتربية بناته.. وانه قلبك واسع لهم.
حب يجيبهم لك ربي يكتبهم في ميزان حسناتك.
ما حب يجيبهم لك أنتي اللي عليك سويتيه .
3. اذا صادف اني شفتها شلون اتصرف؟
خليك طبيعية .. لا تلفتين نظرها بشي.
وياحبذا لو انك ماتقابلينها.
5. شلون اكسب بناته؟
بصراحة التربية صعبه.. حنا عيالنا ومو قادرين نتحملهم بس الشكوى لله عيالنا.
بالنسبة شلون تكسبينهم :
بالمعاملة الطيبة.. بخوف الله فيهم.. بحتوائهم .. بطولة البال عليهم.. وسنة ورا سنة يتكونين انتي عندهم بمنزله امهم وأكثر..
|
الان نجي لنقطتك الرابعه:
4. شلون اخلي زوجي يتقرب لي اكثر بهالفترة؟
أنتي الان توك مالك اربع شهور.. متزوجة يعني مابعد تمكنتي من وجودك في قلبه..
بقولك شغله.. أنا أول ماتزوجت حطيت لزوجي الشمس بيد والقمر بيد..
مريحته على الاخر وبنفس الوقت كنت ابين له انه شخصيتي قويه مع الناس بطريقة غير مباشره..
ماعمري تخانقت معاه.. وإذا صار موقف غلط منه تجاهي أبين له انك غلط وانا عديتها وبنفس الوقت أضحك معاه واتغشمر.
أتنازل عن أشياء كثيرة عشان ما أظايقه..
هذا غير التدليع أدلعه..
هو أكشخه.. أنا مهتمة بنفسي ومهتمة بالتغيير.. رافعتله راية أهم شي بالنسبة لي سعادتك.
ألييييييييييين ما تمكنت من قلبه.. وعرفت غلاوتي عنده .. وأنه لايمكن يقدر يعيش بدوني.
بديت أعيش حياتي معاه كجزء من اهتمامي مو محور حياتي كلها.
.. صارت كل طلباتي مجابه.. مو طلباتي هو الحين لو عرف اني ودي بشغله معينه يفاجأني فيها قبل لا أطلبها.
الان هو صار لي أكثر من اللي أنا كنت أبيه. والحمد لله على تمام النعمة..
فأنتي شوفي هو شنو يحب وتفنني فيه..
الاكل طريقة تقديمك له..اللبس .. الاهتمام.. المساج.. الاجواء الرومانسية..
ولا تبدين أي ظيق أو عتاب تجاهه لو ماعجبك ردة فعله .
يعني مثلا سويتي له مفاجأة وكانت ردة فعله باردة عادي لاتتحطمين ولا تزعلين ولا تعاتبين..
لا أستمري أستمري أستمري.
ألين مايتعود على طريقة الحياة معاك ومايشوف منك الا كل اللي يرضيه.
فياعزيزتي.. تحتاجين وقت طويييييييييييل عشان تاخذين اهتمامه فيك وتقربه منك طول عمره مو بس بفترة معينه.
يعني القاعدة:
خلي زوجك أول زواجك هو محور حياتك .. وبعد ما تتمكنين من قلبه خليه جزء منها.
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))