بصراحة وبما إني متابعة للمنتدى تفاجأت إنه الموضوع هذا خاص فيك يارزان

صرت اقرأ ردودك كم مره !!! مستغربة منك

لهالدرجة صارت ماعندك شغلة بحياتك غير هالضعيّف المسكين زوجك !!

الحل بيدك فكّي عنه شوي وخليه بحاله ولا تدققين على كل شي وانسي كلمة أنا تعــــــــــودت !!

كل شيء يتغير بالدنيا ومو شرط للأسوء لذلك تأقلمي على الجديد وخليه لصالحك

ارجعي اقرأي كلامك بوقت ثاني وشوفي كيف إنتي مكرره بشكل ممل جداً

كلامك نفسه وتفكيرك نفسه وعلى فكرة فيك نسبة أنانية لو تركزين شوي !

لأنه كل اهتمامك ونظرتك الحالية لأنك فاضية تنتظرين عملك وشيء طبيعي بترجعين مثل أول

وماأنتي حاسه باللي تحسين فيه الآن لأنك انشغلتي ويمكن زوجك بيحس ببعدك عنه لكن متأكدة ماراح يكون مثلك الآن

لأنه عارف إنتي مشغولة بإيششش وعلشان مين !

واعتقد والله أعلم لو شكى لك هذاك الوقت من تصرفاتك اقصد بعدك وانشغالك راح تقلبين عليه وتقولين له انا أتعب علشان

عائلتي وحياتنا تكون أحلى في وقت هو الآن يجاوبك علشانك أسوي كل هذا

أنا عاذرتك الآن علشان وحمك يمكن مأثر لكــــــــــــــن رجاءً اشغلي نفسك شوي بعيد عنه وش فيها اذا رحتي لكوفي لوحدك وتقهويتي

ليش تفكرين فيها بشكل سلبي مثل ماتفكرين الحين وتزعلين بالعكــــــــــــــس حلو وقت خاص فيك تشوفين نفسك فيه

أول كنتي تقولي مايحب المسؤولية وكلها فوق راسي ومرررررررررررره متضايقة والحين لما صار هو متحمل كامل المسؤولية

زعلتي وتضايققتي وشايلة هموم الدنيا فوق راسك !

الرجل مليون مره قرأنها وتعلمناها يعبر عن حبه بالأفعال خلاص ارضي بالأمر الواقع اللي يمثل كل رجال الأرض مو زوجك فقط

وانبسطي باللي يسويه ولا تنكدين على عمرك وعلى زوجك

والله يسخركم لبعض .