وليش تنصدم من حركاتها ومن الي شفته عندها...منت عارفها وعارف حركاتها من زمان المفروض ماتقول انصدمت...
انت تسامحها في كل مره وتقول تابت ..ليش ماتعطيها فرصه هالمره يمكن تتوب..وتخاف على نفسها وبيتها وولدها..
وبعدين لاتنسى صديقات السوء هم الي سحبوها مثل ماسحبك صديقك..في البدايه..والي شفته عندها كله من ايام قبل الزواج..يعني ممكن سبحان الله لما تولد و تكبر عليها المسؤليات تلغي الماضي من حياتها..
اعتقد زوجتك لسا ماعدت مرحلة المراهقه. ومخها مقفل ومتنك ..صدقني لما تولد وتصير ام وتنشغل في ولدها وفي بيتها بتنسى هالحركات الصبيانيه ويرجع لها عقلها..لا وبتضحك على نفسها وقتها وتقول الحمدلله الي انقذني من هالدوامه..
والي يطمن اكثر انها واضح قاعدهه تتسلى فقط..ومو عايشه قصة حب مع غيرك..والدليل ان عندها ايميلات لاكثر من شاب..كلها تسالي فقط..من الفراغ...مجرد ماتلقلى شي يملى هالفراغ بتنسى الايميلات وابو الايميلات
رجع زوجتك وحط عليها شروط..ولاتحرمها لا من جوال ولا لاب توب وراقبها فتره بدون ماتحس خلها على الله صدقني اذا فيه شي بتكشفها..ووقتها تتخذ القرارالي يريحك..اما ان كانت عدت مرحلة المراهقه وعاقله وتعرف الصح من الغلط..عاقبها العقاب اللازم بس لاتطلق وبينكم طفل..الا اذا رجعت لحركاتها مره اخرى.
وانا متاكده انها استحت عى وجهها وندمانه..بعد ماربي فضحها..صدقني بتفوق وتحس بنفسها.
اما مسألة انك منت قادر تتقبلها...هذي مشكله وحلها بيدك انت..اذا شايف انك ماترغب فيهاابد..خلها على ذمتك..على الاقل الولد يتربى بين امه وابوه..وانت تزوج بأخرى..والله يعينك..
ولو انا كنت رجل وحصلتي نفس قصتك بحذفيرها...لا ماراح اطلق.لاني انا السفيه وعارف حركاتها من قبل حتى لو قالت انها تابت وحلفت انها بطلت حركات..المفروض ماارتبط فيها ابد.. لكن قدر الله وتزوجتها..والمطلوب ان اكون حازم وشديد معها اكثر حتى اتاكد من توبتها..يمكن توبتها تكون على يدك..
استغرب من ردود بعض الاخوان الي نصحوه بالطلاق والاغلب نصحه بالطلاق..لكن لو تجي وحده وتقول زوجي خانني اكثر من مره هل اسامحه؟..تنصحونها بالصبر وانه تاب وحرام تتركينه ولازم تصدقينه تسامحينه.ولعاد تراقبينه.
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها
التعديل الأخير تم بواسطة ليه الغرور؟ ; 16-04-2011 الساعة 06:02 AM