حياك الله أختي الكريمه قلب حنون وبارك الله فيك وأنا لاحظت حتى بعض النساء في الأسواق لما الوحده تبغى تسأل عن شئ أو عن سعر بضاعه تنادي يامحمد وأذكر مرة نزلنا مجمع الهرم بلازا ودخلت محل لبيع الملابس والإكسسوارت وكانت وراي حرمه وأقفه سمعتها تنادي بصوت عالي شوي يامحمد يامحمد
أنا حسبتها تنادي ولدها وإلا زوجها ولا ألتفت لها إلا وأشوفها تكلم العامل تأشر له على طقم إكسسوار تبيه يطلعه لها تشوفه قلت في نفسي لاإله إلا الله إنتقلت العدوى حتى الحريم صاروا ينادون يامحمد وزوجي كان معي وشاف الموقف ولما ركبنا السياره وتناقشنا بالموقف قال طيب وش تناديه لوماقالت يامحمد تقول له ياصديق وإلا رفيق بصراحه أشوفها قويه وسألني قال وش كان المفروض تناديه
أنا قلت له كان من الأولى إن الرجل إلا معاها هو إللي يناديه و إذا كانت مضطره هيه تناديه كان قربت من المكتب الزجاج وطرقت عليه حتي ينتبه لها العامل أو قالت هييه أنت لو سمحت أبيك تطلع لي الطقم هاذا أشوفه وأ كيد في إحدى الحالتين راح ينتبه لها العامل ويرد عليها قال زوجي كل الناس تعودوا ينادونهم بهاذا الإسم وما أتوقع إنهم راح يتركونه بسهوله بس أنا شخصيا أتوقع إذا كان هناك تنبيه ونصح وتوجيه من العلماء والمشائخ وأئمة المساجد لناس في خطب الجمعه وإلقاء كلمة على المصلين بعد أداء الصلاة بهاذا الخصوص و تنبيه ونصح المعلمين لطلابهم بجميع فئاتهم في المدارس بهاذا الشأن أتوقع بإذن الله إن هاذا المسمى الذي يطلق على هاؤلائي العمالة راح يخف وينقرض عندما يعلمون بحكمه
وإحلال بداله إسم عبدالله لكل عامل لا نعرف ديانته أنا هاذا إللي أفكر فيه وأتمنى يصير بإذن الله والمفروض إن وجد خطأ ما في أي شئ يمس ديننا وعقيدتنا أو يسئ لنبينا عليه الصلاة والسلام يجب علينا إصلاح الخطأ وتصحيح الغلط كل إنسان من منبره وعن طريق مهنته يستطيع أن يأمر بالمعروف و ينهي عن المنكر ويدافع عن الدين والإسلام بالحكمة والموعظة الحسنة .
وأخيرا أشكرك ياغاليتي على مرورك العطر وجزاك الله خير .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله