أبي الفاضل قلت لك ابوافيك بالاخبار وش اللي حصل بينا عشان تعلمني وش هو التصرف الصحيح
أنا اليوم 27نفاس وهو من يوم 8وهو يقول خلاص تعالي ومره يزعل ومره يرضى قلت اختصر هالزعل واسأله متى يبيني اجي قال ليلة السبت يعني يوم 26نفاس قلت اوكي سويت تجهيزات لي عشان موعد الرجوع
المهم هو يسألني كل يوم طهرتي اقول لا طهرة يوم الأربعاء العصريوم25نفاس كلم علي صباح الخميس قال تبين تقهوين معي بالبيت قلت مافي مشكل مرني اول سؤال سألني قال ماصليتي أنا ماأحب اكذب قلت
ايه قال طلعه من البيت مافيه ترا موعشان جنس عشان ابيك تجلسين عندي ترجيته وقلت والله اني مواعده كوافيره وعندي تجهيزات خله على الوعدبكره
قال خلاص ابوديك وأنا زعلان يبيني اقول خلاص لاتوديني وداني بيت اهلي الظهر وكنت مشغوله بنفسي والساعه 5وربع دق جوالي وكنت مشغوله مره وحس قلبي انه هو المهم ماخلصت الى الساعه 6شفت جوالي لقيته هو اللي داق دقيت عليه قلت وش عندك قال ليش ماتردين قلت مشغوله عندي الكوافيره قال وش تسوين قلت مفاجئه قال مافيها شك الليله مارك مارك قلت اوكي
وأنا مشغوله مره وفيه اشياء كثيره ماسويتهابس لو ارده يبي يزعل او ياخذ بخاطره مرني الساعه 9مجهزه
تمام واخذه له هديه بمناسبة خروجي من النفاس وهو مايعرف اسم هديه يقدمه فقلت له ودي يتعود محتاجه شنطة يد ابيها على ذوقك منها ابشوف ذوقك ومنها هديه لان الهديه منك تعني لي الكثير جيت للبيت غرفة النوم حوسه كنت قايله له يوم الجمعه ابرتبه واخذني قبل قلت اكيد ييرتبها ولاجاب لي هديه ولاشي ناكله وأنا جوعانه ماتعشيت جينا كان فيه مبارات جلس وشافها وبعده اخذ حقها ونام
يوم الجمعه كله أنا جالسه ارتب غرفة النوم كلها غبار وملابس وأغراض واغسل ملابس تعبت مره واوجعني ظهري ونزل معي دم من كثر الشغل جاء بالليل قلت والله تعبت من شغل البيت لاتنسى اني لسا انفاس
قال عاد وش سويتي البيت كله غرفتيني وبيتي كبير مره وفيه حوشه حتى شغالة اهلي ماتحب تجي لمي تقول بيت كبير
قمت الصبح اليوم والبيت حوسه والمطبخ غبار والحوشه متسخه مره قلت له ابي استاجر شغاله مره تعبانه قال وش باقي قلت اشياء كثيره قال انتي تكبرني بيتي بيتي جعل بيت يحترق بعصبيه قام ومشى
لحقته قلت ياأخي حس فيني قال احس فيك اجيب لك شغالة 200 ريال من وين اجيب الفلوس انتي تدرين بحالتي الماديه قلت له طيب صحتي اهم من الفلوس وأنا أحب النظافه مابي بيتي حوسه قال الله يلعن بيتك وأنا ماعندي الا بيتك عندي مصاريف اعيالي خلاص روحي بيت اهلك اليم ينظف البيت قلت كيف البيت ينظف من نفسه قال مدري عنك عصب ولعن وطلع من البيت الساعه8واللحين الساعه 10و10دقايق لاحس ولاخبر
جلست لوحدي وبكيت وحسيت ان مالي قيمه عنده خاصه يوم قال يعل بيتك يحترق والله يلعن بيتك وروحي بيت أهلك
ارجوك ابي الفاضل تعليقك عللا كل الموقف وكيف اقدر نفسي وارد كرامتي واحسسه مثل ماأنت تصرف على عيالك وهم لهم حق الصرف تصرف علي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
التعديل الأخير تم بواسطة الرجال عذاب ; 23-04-2011 الساعة 10:16 AM