لاحول ولاقوة إلا بالله العلي العظيم وحسبي الله ونعم الوكيل في خرابين البيوت أتقو الله في أنفسكم وفي ماتكتبون الحرمه ماأرتكبت كبيره خافو ا الله تبغون تهدمون بيت زوجين
علشان غلطه غلطتها في لحظة ضعف منها خافوا الله في أنفسكم ترى هاذا إبتلاء من الله ماتخشون الله يبتليكم في نسائكم بالله وبذمتكم لو هي أختكم ولا بنتكم وش بتسون بتذبحونها أنتم وحريمكم معصومين من الخطاء والزلل ولا معكم ضمان إن الشيطان ما يجي صوبكم ويوسوس لكم والله يامن سعى في خراب بيت مسلم إن كم ماطال به الدهر لابد وإن ينخرب بيته ولابيت بنته أو أخته بنفس الطريقه إللي خرب فيها بيوت غيره بكلامه إللي ضيع فيه أسره وهدم كيانها الحين زوجة الرجل لو نيتها شينه كان مافضحت نفسها عند زوجها وكان بلغت الهيئه وهما يتصرفون بطريقتهم والظاهر إن الرجل إللي كلمته يعرف بنات غيرها و يطلعون معاه وزوجته بسبب سؤ فهم ظنت إن زوجة صاحب الموضوع
هي صديقته إللي تطلع معاه علشان كذا أرسلت لها هاذي الرسايل وقالت لها هالكلام والحرمة لو مو واثقه بنفسها إنها ماراحت ولاجت معاه كان ماقالت لزوجها ولا صارحته بالموضو ع ولو كانت لعو به كان طلبت طلاقها وتلعب على كيفها وماهمها في زوجها مستحيل أي زوجة تغلط أن تقول لزوجها عن غلطتها أو تعترف بها إلا بسبب ندمها وتأنيب ضميرها وتبغى تصلح غلطها وتعترف لزوجها لتكفر عن إللي سوته بحقه وأقول لصاحب الموضوع أمسك عليك زوجتك وحاسبها على غلطها ولاكن لاتفتح إذنك للي يقول طلق ترى ذولي أقولها بوجيههم ماعندهم سالفه لو هي زوجته ولا قريبته كان تلاقيه ساكت ويداري نفسه بنفسه وترى لو طلقت زوجتك وشتت شمل أسرتك وضيعت عيالك من أمهم ما فيه أي أحد من المنتدي هاذا بكبره بينفعك ولا أي أحد بيلتفت لك و يفيدك بنصيحه ترى ذولي كل واحد يكتب رده من خلف الشاشه وبعدها ما أحد درى عنك وين أنت فيه وأنتبه و لا تتسرع باإتخاذ قرارك الحين كل ماعليك فعله تسحب جوال زوجتك ولاتعطيها لاب توب ولا أي وسيلة إتصال ومن ثم إحرص حرص شديد على مرافقتها بنفسك في كل مكان سوق حديقه مستشفى زياره خلك معاها ترى والله إن ماضيع
الحريم إلا تخلي الراعي عن الرعية الواحد ينزل زوجته بالسوق ويقول لها لو خلصتي أشغالك إتصلي عليه أجي آخذك
ويتركها ويرو ح وبعض النفوس ضعيفه والوازع الديني عندها أضعف والدنيا مليانه فتن والشيطان يفر ح بضعف هالحرمه ويوزها وز على الغلط أحيانا الحرمه تتعرض للمضايقات حتى لو كانت محتشمه وعفيفه وتمشي بالسوق بس مامعاها محرم تلاقي الشباب الصايعين مثل الكلاب المسعوره كلن يبغى يرقمها حسبنا الله ونعم الوكيل
وأنت إعطها فرصه وإن أثبتت لك صدق توبتها فتقبلها وسامحها وإصفح عنها فمهما يكون هاذي زوجتك وأم عيالك وكمان هددها بأهلها قول لها ترى إذا تكرر الوضع بقول لأهلك عن سالفتك وهما يتصرفوا معاك
وكمان سوي لها إختبار من شريحه ثانيه ماتعرف رقمها و إعطيها جوال وأرسل على رقمها رسائل بإسم الرجل إللي كلمته وتكون أنت قد أعطيتها خبر مسبق بأن تخبرك بأي رساله أو مكالمه ترد إليها وقول لها أنتي قولي لي بس وماعليك أنا أتصرف أنتي ماعليك من شئ و شوف هل تخبرك برسائل بنفسها أم تسكت وأنت بعد فترة ثلاثة أو أربعة أيام إسئلها هل قد حصل لك مضايقه على جوالك عن قريب وشوف ردها إن لم تخبرك هيه بنفسها و إذا تجاوبت مع رسائلك المجهوله وردت عليها ولما سألتها أنت تنكر وتقول لك مافيه مضايقات إعرف انه مازال هناك في قلبها مرض ومازالت على وضعها فذاك الساع تصرف بما يريح بالك
وأخير تذكر أخي إن كل إبن آدم خطآء و خير الخطائين التوابون و الزوجه إللي تعترف لزوجها بخطأها وتقول له عن أي موقف يحصل لها هاذي إنسانه ضميرها حي ولا كن الشيطان وسوس لها وزلت قدمها وغلطت فأنت حاول تنشط وتحي في روحها تعاليم
ديننا الحنيف وقوي الجانب الديني لديها وبإذن الله راح تتغير وربنا ييسر أمرك إن شاء الله تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله