صباح الفل يا سكرات

احب الاول ابتدى بحبيبة قلبى مرميس
يا سكرة استهدى بالله و قولى اعوذ بالله من الشيطان الرجيم
انتى شكل اعصابك تعبانة و انا معاكى ان المفروض جوزك يراعى حالتك النفسية بس برضو انتى ممكن تعملى حاجة صغيرة ترضيه بيها
ايه المشكلة لما تكلميه يا سيتى تسالى عليه اذا كان دا حيرضيه طب متعملى كدة مافيهاش حاجة خالص
جربى ابدئى انتى تتقربيله و شوفى هو حيعمل ايه و ان شاء الله الدنيا تتحسن بينك و بينه اكتر و اكتر
و معلش مش حعلق على موضوع جوازه دا خااااااااااااااااالص عشان اذا علقت اعتقد كلكم عارفيين ممكن اقول ايه فحلم نفسى احسن و التزم الصمت
ربنا يبعد عنك الشر يا رب
على فكرة انا كتبت ردى دا الاول و بعدين قريت ردود البنات على موضوع الجواز التانى دا
و اقسم بالله كل ما اقرى الكلام افضل ابرطم مع نفسى و عانيت كل المعاناة انى مردش و اقول اللى عاوزاه
بس اهم حاجة ربنا يبعد عنك الشر


سلمى
"كوكار / ازيك حبيبتى قلبى ربى يشفينى ويشفيكى ويشفى كل مريض خدى بالك يا بنتى من ابنك كويس شكلك كده السبب فانه على طول تعبان كده ربى يباركلك فيه هو واخته ويحفظهملك ياااااااااارب"
شكلى ححطك تحتيا و اقعد عليكى افطسك و حضمك لعصابة الولاولة الحمرا اللى حقضى عليها
انا ابنى اللى تعبه الجو الوحش اللى هنا اللى كله تراب فعنده حساسية و الدكتورة قالتلى الدور دا ممكن ياخد من 4 الى 6 اسابيع فهانت انا عدى منهم 3 فاضل يا 1 يا 3 الحمد لله
جوزى بيفكر ينزلنا مصر عشان الجو احسن بس مع الاسف الفترة اللى جاية فى الخماسيين فحتكون الكويت ان شاء الله احسن
بس احتمال تلاقونى ظاهرة قريبا فى ساحل العاج للعلاج

حلوووووووووووووووووومة وحشانة وحشة الفيل بجد
حاجد تاكسى لحد قطر اجى اعضك و ارجع تانى بجد وحشانى قوى قوى



غلا حبيبتى حلو شوية الاثارة دى
و انا كمان دعتيلى؟
انا نفسى قوى قوى اروح اعمل عمرة برضو بس طبعا قدامى 3 او 4 سنين على بال ما ينفع ، هانت




زهورة حبيبتى الف بعد الشر عنك يا سكرة ان شاء الله القطة السودا الوحشة و انتى لأ
انا شكلى بجد مش حودى كريم تانى الحضانة بس انا وديته عشانه فى الاول عشان يلعب و يتبسط لان زوجى مبقاش فاضى الايام دى عنده شغل كتيييييييييير جدا و هو حبيبى مش بيخرج الا مرة واحدة بس فى الاسبوع و بحسه زهقان فقلت حيتبسط هناك و كمان يعرف يتكلم لانه لحد دلوقتى بيقول 3 كلمات ( مم = ياكل ، أأب = يا رب ، ماما اللى هى انا بس مش قصده انا ) و كمان عشان يتهذب شوية و ميطلعش متدلع
بس الدكتورة امبارح قالتلى احسن لما يتم سنتين فان شاء الله حوديه لما انزل مصر او لما ارجع من هناك لان ناوية ان شاء الله انزل على شهر 9 فحيكون عنده ان شاء الله سنتين و شهر فحشوف ربنا يعمل اللى فيه الخير
و انا كمان الحضانة اللى ودتهاله بتستخدم اسلوب منتسورى فى التعليم ( دا يا بنات اسلوب التعليم من خلال اللعب )
ابقى ادخلى تانى طمنينى عليكى و ان شاء الله تفضلى على طول زهورة المفتحة


دودى حبيبتى بوسة بوسة بوسة
"انا مثلك لما سمعت من الدكتور عن حالتي صابني الذهول و فضلت مخدرة 4 ايام كل ما اتكلم اتخنق بدموعي و اخاف و صابني الاكتئاب و لكن الحمد لله نزل عليا الهدوء اخيرا و استجمعت قوايا و بدأت أخطط للعلاج من هذا المرض "

ايوة كدة هو دا الشغل لا وقت للاكتئاب هذا وقت العمل اديلوووووووووووووو
ربنا معاكى يا رب
اما بالنسبة للخرص الزوجى فدا عادى جدا متقلقيش و ان شاء الله لما يجو العيال مش حتبطلو رغى لان البيت اصلا حيكون هايص و دوشة على طول و كل سنة و انتى طيبة يا سكرة


زرافة ربنا معاكى و ييسرلك كل عسير يا رب
بالنسبة لموضوع التبويض بيختلف على حسب طول الدورة من واحدة للتانية هو بيكون قبل ما لدورة الجديدة تيجى بـ 14 يوم فبيكون على حسب طول الدورة



نعومة حبيبتى ان شاء الله يجى تسمعينا خبر حملك بأذن الله
بجد محتاجين خبر حلو الايام دى
ربنا يفرح قلبك و قلب البنات كلهم باذن الله


لمسات راقية الحمد لله ان النفسية تمام و دا اهم حاجة فى الدنيا مش فى موضوع الحمل بس
ربنا يحلى ايامك



سعووووووووووووود
الكلام دا مش ليكى بس دا لينا كلنا بما فيكم انا


حتششششششششششششششششششششششششششششششششششششششششششل
هو الجواز دا مش شركة على الحلوة و المرة
"خلاص ظلمت نفسي وظلمت زوجي معي اللي تزوجوا معي اولادهم في المدارس وصرت افكر افكاررررر اه يارررب "
حتموتونى ناقصة عمر
ظلمتيه بايه بقى ان شاء الله
كسلتى تدوسى على الزورار بتاع الخلفة؟!!!!!!!!!!!!!!!!!!!!!
دا رزق ربنا قاسمه ليكى و ليه "مع بعض" لان ربنا كتب انكم تكونو مع بعض دا معناه انى لما امرض مرض خطير جوزى يقولى مع السلامة يالا على بيت ابوكى!!!!!!!!!!!!!!!!!!!!!!
اذا قالها اصلا انا مش عاوزاه و مش عاوزة حاجة من وشه اللى ميشلنيش فى ضعفى مشلوش لا فى ضعفه ولا فى قوته
دا المسيحيين بيقولو على السراء و الضراء
و احنا المسلمين واخدين جانب واحد بس السراء


ظالمنى ربنا يكرمك بالذرية الصالحة يا رب





اما بقى عن اخبارى فلا جديد خااااااااااااااالص غير انى نويت اجيب خادمة و ربنا يسترها دا بعد تفكير دام اكتر من سنة و اللى خلانى مقدمة على الموضوع ان عملت استخارة و الحمد لله نفسيتى مرتاحة جدا جدا و مقدمة على الموضوع
ادعولى ربنا يوفقنى فى انسانة تراعى ربنا فيا انا و عيالى
لانى عندى مشكلة مش بعرف اكون وحشة مع حد فانا حعملها بما يرضى الله و عاوزاها هى كمان تعاملنى بما يرضى الله لانى مش حعرف اعاملها غير كدة و رزقى و رزقها على الله


بحبكم كلكم فى الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة