النور ينور بوجودك يالغلا والحمدالله أبشرك البنت بخير وسلامه من فضل الله عز وجل وأنتي الحين وش تبغيني أسوي فيك يا أم هشام بسالفة سستر خربتي عليه كان هاذا عنوان موضوعي الثاني إللي بنزله بعد هاذا الموضوع لأن أنا يوم كنت متنومه بالمستشفى على بنتي لاحظت أكثر الممرضات هنديات وصينيات وفلبينيات مافيه إلاثنتين ماليزيات ماشاء الله تبارك الله مسلمات مغطيات شعورهن كامله وأنا عندي صديقه تدرس في تحفيظ القرآن الكريم وعندهم كتب تفسير للقرآن الكريم مترجمه للغة الماليزيه فتصلت عليها وطلبت منها تحضر لي بعض من التفسير المترجم إللي عندهم وماقصرت الحرمه جتني المستشفى زياره لبنتي وجابت معاها عدة مطويات وتفسير للقرآن الكريم كلها مترجمه باللغة الماليزيه وأعطتني إياها وفي اليوم الثاني كانت الممرضات الماليزيات مناوبات ناديتهم وجوني داخل الغرفه إللي منومة فيها بنتي وأخذت الكتب والمطويات ووزعتها بينهم ولما فتحوها وشافوها مترجمه بلغتهم سبحان الله فرحوا مره وجلسوا يرفعون إيدينهم ويدعون لي ولبنتي يقولون يارب يخلي أنت مدام وبنت صغير يارب وطلعوا من عندي وماسكين كتب التفسير والله إنهم ضامينها على صدورهم ويبوسون فيها وفرحانين بها مره وما شاء الله كل ما أقابل وحدة فيهم تبتسم بوجهي ومهتمين في بنتي ودائما يمرون يشوفنها قبل مايخلص دوامهم حتى طلعت
من عندهم وبالنسبه للممرضات الباقين الهنديات والصينيات فأنا قد سمعت إنه مايجوز تنادينها بسستر وهي غير مسلمه لأن معناها أختي ولا أخوة بين المسلمين والكفار
الأخوة في الإسلام فقط فأنا أناديهم نيرس بس المسلمات منهم أناديهم سستر والمسلمه معروفه بشكلها ولبسها وحتى في بطاقتها إللي معلقتها على كتفها مسجل مسلمه أو غير مسلمه على العموم بسامحك هاذي المرة يا أم هشام بشرط لاتتعودينها ولا ترى ترى ترى ترى ترى أحبك أ كثر يالغاليه
يفز قلبي لا سمع طاريك
فزت وانيت في دعساته
يامرحبا بك في قلب مغليك
إللي إذا شاف إسمك زادت دقاته
أدعي الله إنه يحفظك و يخليك
ويبعد عنك الهم والحزن وآهآته .
ودمتي بود وخير وسلامه .

‏

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله