أبو ياسر وأم الجيران
أبو ياسر وأم الجيران
قصة توجيهية بقلمي
السلام عليكم معكم مراسلتكم في بيتنا أختكم أم ياسر واسمحوا لي انقل شاشة منتداكم الرائع إلى دفتر ذكرياتي اللي في مخي عشان ما أحد يشوف اللي فيها إلا إذا أنا ودي وانتم غالين وتستاهلون وأقلب لك صفحة خاصة جداً صفحتي أنا وأبو ياسر وهو زوج حبيب وهين لين وقرقر يعني يحب السواليف وأحسن سوليفه اللي يسمونه علماء النفس التفكير بصوت عالي وهي حركة يسوونه بعض الناس ينقلون للي قدامهم بالكلام كل اللي يفكرون فيه وهم ما يبون رأيه بس يسولفون ويسالون ويجاوبون على أسئلتهم وبعض الناس يفكر وهو ساكت ولكن أبو ياسر وش حليله كاشف لي مخه بالتفكير بصوت عالي ... اكمل لكم الذكريات يوم من الأيام كنا جايين من السوق شاف وحده مربربه ولابسه كشخه ومعها ولد وبنت وقال آه لو اتزوج وحده مثل هذي ) فقلت له هذي من الجيران والله انك حبيب وتصدق وش تقول عن رجله اللي حبيب مثلك انه دايم يسبه انها متينه ويقول لها لو يرضى أبو ياسر كان ابادله بك بام ياسر وانت تبيه يبادلني فيها انتم يالرجال ما تحبون اكل البيت قال وهو يضحك لانه بايت قلت لا والله لان عيونكم فارغة تملون ابسرعه والشيطان يزين لكم اللي ما هوب عندكم لو تاكل تفاح أو عنب أو كمثرى أو موز أو تمر أو تين كلهن حلوات ولكل واحد طعمه الحلو المميز واللي ياكل تفاح يقول يا حلو العنب واللي ياكل العنب يقول يا حلو التفاح واللي عنده تفاح وعنب يقول يا حلو الموز وهكذا واذا اكل عنب قال ما هو حلو مثل التفاح وبعضكم عنده تفاح يجنن بس ما يعرف ياكل التفاح قال خلاص يا ام ياسر انت احلى حبة عنب ابحياتي ما ابي تفاح اصلا ما احب طعمه ما هو زين وضحكنا لأنه مسك الجاده خلاص انتهت الصفحه وتراحنا يالحريم اخوات الرجال يعني نسوي مثلهم بس نستحي نفكر بصوت عالي
__________________
لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.
