لاتظلمونه صدقتي يا أختي هناك عادات وتقاليد وأذواق تختلف عن بعض والشرق يختلف عن الغرب والشمال يختلف عن الجنوب ولاكن في بعض الأحيان توجد صفات مشتركه بينهم أنا جنوبيه وزوجي جنوبي وقريبي بنفس الوقت لاكن سنين عمره أ كثرها عاشها بالشمال الحين عايش بالشمال من عام 1406هجري
وكان قبل ما يتزوجني مايجي ديرتنا إلا نادرا يزور أهله بالسنة إجازته عشرة أيام ويوم تزوجته أول ماقابلته والله إن سوالفه كان يبغى لي مترجم علشان أفهمها بس ساعتها كل ماقال لي كلمه حركت راسي لفوق وتحت معناته إيه وأنا ماني فاهمه السالفه من أساسهاكان فيه أشياء يقول جيبي لي كذا بلهجتهم هما أهل الشمال وحنا عندنا لها مسمى ثاني وأقول له والله ماحصلتها إللي طلبتها وهيه موجوده بس أنا مافهمت عليه علشان ما أطلع غبيه عنده وما أفهم عليه أقوم أقول له ما حصلتها ولا خلصت ولو قام دورو جابها بنفسه ويقول هاذي ماشفتيها أقول له أوه ما أنتبهت لها وأكون بنفس الوقت عرفت وش يقصد
بالمسمى طبعا هاذا غيرإختلاف في الأكلات وطريقة إعدادهاوياقلب لاتحزن جلست فتره وأنا آخذ كورس عنده حتى فهمته وفهم عليه العادات شفت المناطق حتى بالسيارات كل منطقه أهلها يفضلون أنواع خاصه بالسيارات عندك من يحب السيارات الكبار والدفع الرباعي القويه وعندك من يفضلون السيارات الصغيره السلسه الهادئه والمريحه وإعرفي إنك لو شفتي سيارة صغيره وهادئه في منطقة سياراتها جيوب ووانيتات إفهمي إن هاذا الشخص من خارج المنطقه بس شغله في داخل هالمنطقه حتى بالتراث أنتي ماشفتي مهرجان الجنادريه كل منطقه لها عادات وتراث خاص فيها والأكلات كل منطقه لها ميزه ونكهة خاصه في أ كلاتها
بالنسبه لزواج بصراحه أنا لا أؤيد زواج الأقارب مرة بالرغم من نجاحه بإذن الله وذلك لعدة أسباب أولها الحب والتعلق في مابينهم ينشأ بين الزوجين الأقارب منذ الصغر بحكم معرفتهم ببعض وإختلاطهم في الطفوله وكل واحد فيهم يرسم له حلم جميل مع من أحبه من صغره ويتمناه يكون شريك حياته سوى بنت عم أو بنت خال أوبنت عمه أوخاله
لاكن أنا لا أؤيد هاذا الزواج أول شئ تصير مشاكل بين أهاليهم وترجع فوق رؤس عيالهم المساكين ثاني شئ فحص الزواج إللي جابوه الحين كسر مجاديف المحبين الواحد يحلم ويتمنى حتى تطلع نتيجة التحليل
غير لائقين لإتمام الزواج فتبخرت الأحلام وإن صمموا على رأيهم وأرادو تتويج ذلك الحب بالزواج وتزوجوا بالرغم من كل المحاولات لمنع هاذا الزواج حتى لايتعبوا في مستقبلهم القادم وبعدها يبدأ مشوار التعب والحزن مع بداية إنجاب الأطفال المصابين بالأمراض الوراثيه لهائولاء الأزواج الذين تحدوا العثرات والمشاكل التي كانت في طريق حياتهم وقتها كيف هاذا الزوج والزوجه يرتاحون ويسعدون وأطفالهم فلذات أكبادهم يعانون الألم معاقين أمام أعينهم ولا يستطيعوا فعل أي شئ بالنسبة لهم سوى الدعاء أنا شخصيا أعرف إمرأة وزوجها كانت تربطهم صلة قرابه عيال عم تزوجوا وأنجبو 5 عيال كلهم معاقين بدنيا وعقليا وآخر شئ نصحوهم الأطباء بإيقاف الخلفه نهائيا لأن الخلل في تركيبة كرسومات الزوجين طبعا عيالهم ثلاثه توفاهم الله وتبقى معهم بنتين فقرروا الإنفصال هيه وزوجها وتطلقوا والحرمه تزوجت برجل آخر أنجبت منه 6 أبناء سليمين معافا وطليقها تزوج بإمرأة أخرى وأنجب منها 5 أطفال إلى جانب بناته المعاقين لأنه أخذ بناته عنده علشان يرعاهم وأنا علشان كذا أرفض الزواج من الأقارب يمكن من نفس القبيله أو نفس المنطقه هاذي معقوله طبعا بعد إجراء الفحوصات لزوجين ومن الأفضل إجرائها قبل النظرة الشرعيه بينهم وفي النهاية هاذي حضوض وأقدار ونصيب ولاكن ربنا عز وجل قال تعالى ) ولا تلقوا بأنفسكم إلى التهلكه (
والرسول صلى الله عليه وسلم قال )تخيروا لنطفكم فإن العرق دساس (
وفي الحكم قالوا الوقاية خير من العلاج (
وبالنسبه للعادات في سكن الزوجه مع أهل زوجها أنا ما أتوقع إن هاذي العاده سائده إلى الآن في وقتنا الحاضر والزوجة إذا وافقت تسكن مع أهل زوجها لمدة مؤقته مراعاة لظروف زوجها مو معناته إنه شرط عليها إنها تسكن معاهم على طول وهاذا شرط يكون بينهم والمفروض كل بنت تتزو ج تتمسك بحقها في بيت لها لحالها أما بالنسبه للي يتزو ج زوجة علشان تخدم أهله ما أتوقع إن فيه زو ج يقول لزوجته من بداية زواجه أنا تزوجتك علشان تخدمي أهلي والمفروض لو قال لها كذا تقول له قدامك مكاتب الإستقدام روح جيب لأهلك خدامه من هناك أنا زوجتك أنت وأخدمك أنت وبس أنا مسؤليتي أنت أهلك مالي دخل فيهم إن حصل وأنا أبغى أخدمهم بنفس طيبه مني فكان وبها وإن لم أخدمهم فلست مكلفه بأي أحد سواك أحترمهم أحطهم بعيوني و أقدرهم على راسي أحشمهم على خشمي أبشر لاكن أخدمهم إذا كان ماعندهم بنات ولا عيال يعني مافيه إلا أمه وأبوه إن شاء الله إني ما أقصر بحقهم أخدمهم بللي أقدر عليه
لاكن ما أحمل نفسي فوق طاقتها .
المهم يا أختي أنا أطلت عليك ودخلتك معي في دوامه كبيره
أتعبتك فيها لاكن أنا أقول لك نصيحه أنتي الحين توك داخله حياة جديده ومالك فتره طويله بزواجك وأحيانا الزوجين يحتاجون فترة من 4إلى 5 سنوات علشان يفهموا بعض ويتأقلموا مع بعض بشكل صحيح فكل ماطالت العشره كل مافهمت شريك حياتك بشكل أفضل و تعرفت على أسلوب حياته بشكل صحيح وكل ماجاء لك أنتي بخبرتك تفهمي الحلول لعيوبه ومشاكله وبطريقتك وفهمك راح توصلي لغايتك إللي تنشد ينها من شريك حياتك الزوجه إذا أرادت إصلاح سلبيات زوجها يجب عليها أولا معرفة تلك السلبيات وحصرها
وتبدأ بإصلاح أقل السلبيات عنده ومن ثما بالتدريج تبدأ بالحلول حتى تصل إلى أ كثروأ كبر سلبياته وإن فشلت لاتيأس تعاود الكرة مرة أخرى طبعا بالإستعانة بالدعاء لله عز وجل بصلاح زوجها وهدايته في كل وقت وحين وبإذن الله ينصلح حالها أهم شئ لاتيأس ولاتجعل اليأس يتسلل إليها أو يحبطها عن ما بدأته في سبيل نجاح مشوار حياتها وأخيرأختي العزيزه والغاليه لاتظلمونه أسأل الله عز وجل أن يسعدك ويوفقك في حياتك و يصلح لك زوجك وأن يؤلف الله بين قلوبكم وأن يرزقكم الذرية الصالحه اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله